Автобиографијата на македонската пејачка и актерка Добрила Ивановски Чабриќ насловена „На патот кон стотката“ по промоцијата во Белград продолжува со свои претставувања пред српската публика. Следуваше промоција во Ужице и последното промотивно случување беше во Кикинда, Чукарица, во Галерија ’73.
Не само рецептот за долговечност како позитивен став во животот, туку и музиката како вентил на емотивно доживување, исполнување, емотивно празнење на тагата се дел од нејзините сценски третмани кога е во прашање промоцијата на својата автобиографија.
За нас од југот таа е позната како жител на Стар Дојран, позната и ценета дојранчанка, активна на полето на музиката, знаа да запее и во друштво на маса низ познатите дојрански кафеани, се’ уште активен возач на свои 95 години.
За пошироката публика од Балканот Добрила Чавриќ е позната како „супер бабиката“ која на 92 годишна возраст победи на музичкото шоу „Никад није касно“. Освои најмногу гласови и Прва награда од жирито и најмногу гласови и Прва награда од публиката на шоуто „Никад није касно“, За себе вели – „Секој ден го доживувам како подарок“.
Добрила Ивановски Чабриќ (95), победничката во серијата „Никогаш не е доцна“, е пример дека годините не се пречка за остварување на соништата и целите, туку дека клучот лежи во тоа како гледаме на предизвиците кои се на нашиот пат.
Нејзината автобиографија „На патот кон стотката“ која беше претставена во Здружението на пензионери во Чукарица ни’ дава увид во нејзината неверојатна животна приказна, проткаена со среќа и тага, но во исто време дава и мотив да се бориме за нашата среќа и успех, без разлика на нашата возраст или околности.
– „Кој ќе ја прочита книгата, ќе го има целиот мој живот во свои раце. Богат е – има сeшто, подеми и падови, и среќна сум што успеав да ви го откријам. Водев дневник и кога и да стигнам до петтиот ден, секогаш се случува нешто лошо – или ќе паднам, ќе ја скршам раката или ќе ми се расипе колата, па реков ако излезе оваа книга, претпоставувам дека нема да биде крај на мојот живот. Но, нема, а знаете ли поради која причина – личната карта ми важи до 2033 година. Па, јас тоа ќе го оправдам како знам и умеам“ – изјави на промоцијата Добрила, која не без причина ја нарекуваат „супер баба“.
Нејзината автобиографија е уште еден вреден увид во животот на една неверојатна жена која со својот пример , инспирираше многумина никогаш да не се откажуваат од вашите соништа и цели.
-,, Ако го сакаш животот и ако сакаш да живееш, тогаш ќе живееш. Живеам, веројатно надвор од мојата генерација, нема правила, но постојано сум опкружена со млади луѓе, не ми даваат да остарам и тоа ми дава сила да продолжам“, вели Добрила.
Со нејзиното мото „Животот не е фер, но е добар“, таа ни’ покажува дека клучот е во тоа како избираме да го живееме животот и дека секој ден, ако го сакаме, може да биде можност за нешто убаво и позитивно. .
На промоција во Кикинда, Чукарица, во Галерија ’73, што се одржа на 11 март годинава, публиката не беше ускратена и од личната интерпретација на дел од музичката кариера опишана во автобиографијата на Добрила.
Таа запеа дел од својот репертоар придружувана од локален уметник, оперскиот певач Илија Гранде. Слушнете ги заедно:
Добро здравје и чисто грло Доби!
Инаку Добрила е долгогодишен пензионер, но активна во музиката, дружењата, посета на местата кои ги сака. Потекнува од мешовит брак од татко македонец, а мајка србинка. Кариерата ја однела еден период од животот во Белград, но своите пензионерски денови одбрала да ги помине во Дојран. И еве, веќа 35 години вели дека воздуход и јодот од Дојранската езерска вода ја одржуваат витална и енергична за своите години.
– „Воздухот е почист, секаде можам да стасам, никаде не се брзам“, изјавува Добрила.
– „Самото Дојранско езеро е чудно, има многу јод. Кога ќе дојде лето едвај чекам да му се пружам, оти тоа ме држи како морска вода, ќе си легнам и ме носи. И ќе пливам и ќе се одморам, и ќе медитирам, прекрасна вода“, со насмевка и сјај во очите раскажува Добрила, нашинката од југот, за местото кое ја исцелува и одржува како еликсир на младоста.
