Меѓународен ден на медицинските сестри и техничари е 12 мај и се одбележува секоја година во знак на сеќавање на роденденот на Флоренс Најтингеjл, првата медицинска сестра во светот. Таа е родена во Фиренца,Италија на 12 мај 1820 година. Целиот свој живот се борела за унапредување на својата професија и правата на жените.
Флоренс Најтингеjл се смета за пионер на модерното сестринство во светот, дала придонес во промовирањето на графичкото претставување на статистички податоци, иницирала стручно образование на медицинските сестри и вовела методи за нега на пациенти и организација на болници, кои се прифатени во многу земји.
Во склоп на Меѓународната недела на сестринството, на 5 мај се одбележа Меѓународен ден на акушерките, а на 12 мај Меѓународен ден на медицинските сестри и техничари. Близу 50% од здравствените работници се медицински сестри и акушерки.
Меѓународниот ден на медицинска сестра го слави придонесот што го прават медицинските сестри во општествата ширум светот.
Денеска на овој заслужен ден за сестрите во белите мантили, тие го дочекуваат вреднувањето на нивниот труд со најавени измени на Колективниот договор за здравтвото кој носи зголемување на платите од 1.200 до 3.000 денари.
По повод Меѓународниот ден на медицинската сестра и 203 – годишнината од раѓањето на Флоренс Најтингел, жената која го формирала првото училиште за медицински сестри денеска свои честитки испраќаат од СЗО, од Лекарската Комора на Македонија, .и останатите партенри ширум светот за да ја истакнеме сите заедно важноста на медицинските сестри во здравствениот систем и да им се заблагодариме на медицинските сестри за нивната работа и придонесс во негата и грижата на пациентите.
