Шампионската титула во категоријата јуниори U-14 викендов ја понесе гевгелискиот тенисер Александар Груиќ од ТК „Круна“ Гевгелија. Со ова тој ја потврди својата шампионска титула освоена минатата година 2022 на ОПМ одржано во Прилеп.
Тој во финалето од државното првенство што се одржа овој викент во Куманово, беше подобар од Иван Трпковски од ТК „Чери“.
Со победничкиот пехар од Државното првенство за јуниори младиот и надежен тенисер од Гевгелија Александар се врати победоносно да ја надополни својата колекција победнички трофеи кои годинава ги нареди дури три.
Домакин на Првенството беше Тенискиот клуб “ТУМБА од Куманово.
Во конкуренцијата за јуниорки, кај девојчињата најдобра беше Анастасија Арсовска од ТК „Југ“ која во финалниот меч беше подобра од Лина Николовска исто така од тенискиот клуб „Југ” од Скопје .
Тенисерот од домаќинскит тим „Тумба“ Алексеј Стојановски го освои третото место откако својот настап го заврши во полуфиналето на турнирот.
Мечевите се одиграа на тениските терени кај Спортската сала во Куманово и поминаа во духот на фер- пленот и во одлична организација од страна на организаторот.
