Топ Новости

Коректна изјава искористена за оцрнување на политички функционер

Четврток, 09 Јули 2020

Пишува: Жаклина Цветковска

На порталот infomax.mk објавен е текст со наслов„ Лаже кај стигне: Заев му ветил на Тачи дека ДУИ нема да ја земе во Влада“, во кој е пренесена изјава на претседателот на ДПА, дадена во интервју за ТВ 21, во која тој информира дека лидерот на СДСМ, Зоран Заев му ветил оти доколку дојде до ситуација да формира влада нема да го вкучи во неа досегашниот партнер ДУИ.

Авторот ја искористил изјавата на Мендух Тачи и ја ставил во контекст, кој не е соодветен, за да оцрни политички функционер..

Во насловот, новинарот констатира „Лаже кај стигне“, мислејќи на Заев, а потоа ја пренесува изјавата на цитираниот извор во текстот. Иста квалификација е дадена и во најавата на самиот текст „трчи лажи“,за да се засили негативната кампања кон конкретен политичар. Притоа, изнесува личен став и лични квалификации за јавна личност, една од претендентите за премиерската функција, во зависност од резултатите на предвремените парламентарни избори

Изјавата на Тачи, пак, е сосема коректна и информативна и не наведува на заклучок на кој посочува новинарот. Напротив, Тачи покажува дека тој го зема в предвид чувствителниот предизборен период и не сака да наштети на политичкиот субјект за кој зборува.

- „Со Заев разговаравме за предизборна коалиција со него, но не успеавме да се договориме. Која е причината што не успеавме да се договориме не можам сега да кажам за да не му наштетам за време на кампањата. Сакам јавноста да има разбирање за мојата коректност затоа што јас воопшто не сум заинтересиран да му наштетам на Заев. Јас имам надеж дека Зоран Заев ќе го одржи зборот и нема да ги земе ДУИ во Влада. Еве сепак нешто кажав“, рече Тачи во момент на искреност.

Во објавата е присутна политичка пристрасност, со цел да се нанесе штета на одреден политички актер во изборна кампања и да се влијае на гласачкото тело. Во насловот има и коментаторски елементи, недозволиви за информативен текст, и не е одржана професионална дистанца од политичкиот субјект, со што е прекршен членот 14 од Кодексот на новинарите.

Изнесувајќи лични заклучоци и констатаци во информативно известување, новинарот го прекршил и членот 15 во кој стои:

Новинарот мора да ја негува културата на говорот и етиката. Неспојливо со новинарската професија е непримерната комуникација со јавноста.

____________________________________________________________________________
Овој напис е изработен во рамките на Проектот за зголемување на отчетноста и одговорноста на политичарите и партиите пред граѓаните, Вистиномер, имплементиран од Метаморфозис. Написот e овозможен со поддршка на американската непрофитна фондација (NED - National Endowment for Democracy). Содржината на рецензијата е одговорност на авторот и не ги одразува ставовите на Метаморфозис и National Endowment for Democracy или нивните партнери.


Last modified on Четврток, 09 Јули 2020 - 17:15

.

.


ПОСЛЕДНИ ВЕСТИ:

Саше од Богданци е носител на Светиот крст од водите на Паљурци

Церемонијата на осветување на водите по повод христијанскиот празник Водици

Повеќе

Саше од Богданци, Даниел од Стојаково се носители на Светиот крст

Церемонијата на осветување на водите по повод христијанскиот празник Водици

Повеќе

Иле Илевски го извади Светиот крст од водите на Вардар кај Гевгелија

Трикратниот фрлач по крстот Иле Илевски (31 годишен) од село Давидово, но веќќе

Повеќе

Дејан од Куманово го фати светиот крст во Дојран

Денешниот чин на осветувањето на водите Водици и фрлањето на светиот крст во

Повеќе

Црвениот крст Гевгелија ја започнува сезоната на крводарителски акции за 2022

Највисокиот чин на хуманост на граѓаните- крводарувањето ќе биде цел на првата

Повеќе

Собранието ја избра новата Влада, Ковачевски е премиер

Со 62 гласа „за“, 46 „против“ и без воздржани пратениците во Собранието вечерва

Повеќе

Вори Гевгелија меѓу 100-те најголеми извозници во државата

Компанијата “Вори” од Гевгелија е една од водечките компании во македонската

Повеќе

Донација од Германска Амбасада за ДППД Дојран

Доброволното против пожарно друштво од Дојран доби донација во вид на

Повеќе

Намалeно осветлување на државните патишта поради енергетската криза

Минимален сигурносен обем на осветлување на јавните патишта е дел од одлуката

Повеќе

Василица во гевгелиско - традиција за празникот среде некрстените денови

Денес е Василица, празник среде некрстените денови.
На први јануари по стариот

Повеќе

 
 

 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.