Twitter

Вакциналниот тим составен од осум здравствени работници предводени од д-р Тодорка Окова и тројца доброволци од Црвен Крст Гевгелија денешниот работен ден го започнува со реализација на салдо од досега изведени вакцинации:
- Вкупно 9.057 вакцинирани граѓани;
- Ревакцинирани 4.324 граѓани;
- Вакцинирани при посета на теренска вакцинација вкупно 1.554 граѓани.

Овие бројки до пред недела дена ја квалификуваа општина Гевгелија како прва општина во државата со највисок процент на вакцинирани граѓани, 46.2% од вкупниот број на населението во општината, заклучно со 1 август. За изминатите денови процентот на вакцинален опфат расте, и заклучно до 10 авкуст достигна ниво на опфат од 53%. Ова значи дека секој работен ден на вакционалниот тим во Општа Болница Гевгелија се остварува имунизација на нови 1% од населението.

Гевгелија важи за општина со висока свест на граѓаните за општоприфатените норми на однесување, особено она што го практикува целиот свет, како град со европски карактеристики на живот и европски манири на однесување, па така и одзивот за имунизација која е фактор за отвореност на градот за странски гости, проток на луѓе и соодветна заштита на граѓаните со вакцинација против ковид-19 е со висок степен на интерес и прифатеност од страна на граѓаните.

Инаку во државата 32.3% од полнолетното население на територијата на целата држава е вакцинирано со барем една доза на вакцина.

Вакцините се безбедни и ефикасни и се единствениот начин да се победи пандемијата. Само со комплетна вакцинација се спречува тешка форма на болеста и се намалува шансата од заболување како и смртен исход од болеста.

Двата вакцинални пункта во Општа Болница Гевгелија се отворени секој работен ден од -8 до 14:00 часот.