Во Општа Болница Гевгелија вакцинирани 10.587 граѓани

Недела, 22 Август 2021

Гевгелија и понатаму е општина со највисок процент на вацинирани граѓани против ковид-19 во државата.
Заклучно со петокот, 20 август во Општа Болница Гевгелија вакцинирани се 10.587 граѓани, Тоа значи дека во текот на оваа недела аплицирани се 982 дози вакцини кај исто толку граѓани, а вакциналниот дневен учинок на тимот за вакцинација изнесува 200 лица во просек дневно кои го посетиле и биле услужени во вакциналниот пункт во гевгелиската Болница. Тоа исто така значи дека само за една недела од воведувањето на анти-ковид мерките од Владата интересот на граѓаните за вакцинација во гевгелиската Општа Болница се зголемил за 79,2 %.

Доктор Тодорка Окова која е задолжена за вакцинацијата против ковид-19 во рамките на Општа Болница Гевгелија со проширена надлежност и за населението од општините Богданци и Дојран, за GevgelijaNet извести дека интересот за вакцинација на граѓаните е зголемен. Напоредно, согласно вакциналниот картон издаден при приемот на првата доза од вакцината, во пунктот се вакцинирани со втора доза вкупно 6.392 граѓани. Со овозможувањето и малолетни лица да примат вакцина, каде фокусот се насочи на лица со пречки во развојот или со вродени коморбидитети, во вакциналниот пункт доброволно се пријавени (од нивните родители) 98 деца од 12 до 17 години и на истите им е аплицирана вакцина.

Заедно со бројот на вакцинирани граѓани кои за имунизација се пријавија во регионалните масовни пунктови за вакцинација, со спроведената вакцинација на примарната инфраструктура на вработени во здравството, МВР, образованието, градинките, транспортот, наплатните рампи, царина, и други, бројот на вкупното имунизирано население од Гевгелија изнесува преку 16.500 граѓани. Ова ја става општината на високо ниво на здравствената одговорност на граѓаните и највисок опфат на имунизација во рамките на државата.

Така, веќе трет извештај по ред, што го изготвува Министерствотот за здравство, нашата општина Гевгелија е на највисоката позиција од листата на општини со највисок вакцинален опфат на населението. Последниот извештај заклучно со 15 август процентот на имунизација изнесува 54,2%, а се однесува на вакцинирани граѓани со најмалку една доза вакцина против ковид-19 (опфатот го следи полнолетното население од 18 години па нагоре). Ако се земат во предвид и бројките на имунизирано население до 20 август, процентт се покачува на високи 63%.

Вакцинацијата се одвива непречено на сите пунктови низ државата, а во тек е и теренска вакцинација.
Досега вкупно се аплицирани 1.152.274 дози вакцини, а ревакцинирани се 499.934 граѓани.
Вакцините се безбедни и ефикасни и се единствениот начин да се победи пандемијата. Само со комплетна вакцинација се спречува тешка форма на болеста и се намалува шансата од заболување како и смртен исход од болеста, велат од МЗ.

 

Last modified on Понеделник, 23 Август 2021 - 22:21

.

.


ПОСЛЕДНИ ВЕСТИ:

Повредени 35 лица во сообраќајка кај Марвинци

Возач на камион кој вчера се преврте со својот нелегален товар - мигранти кај

Повеќе

Превртен камион кај Марвинци, повредени 29 лица

Во сообраќајка која се случила вечерва кај с.Марвинци, повредени се 29 лица.

Повеќе

РКЕ ги намали цените на горивата

Најновата одлука на Регулаторната комисија за енергетика носи надолна корекција

Повеќе

Пожарот кај Фурка и Паљурци локализиран

Тимот за брз одговор на ДЗС и силите на ТППЕ Гевгелија со неколку распоредени

Повеќе

Царина заплени 13,3 кг злато и 30.000 евра на ГП Табановце

Голем успех во откривање на нелегален транспорт кој има криминален карактер -

Повеќе

Пожарот кај Фурка стаса до Паљурци

Веќе 14 часа трае борбата за гаснење на пожарот кој утринава изби во атарот на

Повеќе

Активен пожар кај с.Фурка

Утрово во ТППЕ Гевгелија околу 9 часот пријавен е пожар на отворен простор во

Повеќе

Одбележан панаѓурот во с.Ума

Со бројни гости и служење курбан вечера во дворот на црквата „Свети

Повеќе

Се реконструира патот до Смрдлива вода

Во тек е реконструкција на патниот правец R1108 кој води до излетничкото место

Повеќе

Пожар во Ст.Дојран, загина една жена

 
 

 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.