Twitter

Конечно короната падна под илјада активни лица во државата и моменталната состојба изнесува 826 лица активни на вирусот ковид-19.

Од 35 општини во државата за кои Институтот за јавно здравје води секојдневна евиденција на ковид состојбата дури 7 се без ниту еден активен случај на ковид-19. Од седумте општини „без корона“ две се на подрачјето на Центаот за јавно здравје Гевгелија - општина Дојран и опш. Богданци.

Гевгелија моментално живее со 7 активни случаи на ковид-19. Изминатите 14 денови (две седмици наназад) Општина Гевгелија покажува осетен пад на инциденцата (степенот на ширење на заразата) која бележи индекс од 46,2% пад надоле.
Гевгелија од почетокот на епидемијата бележи 4.396 заразени граѓани, од кои 4.268 оздравеле, 121 починале како последица од ковид, а моментално се водат 7 активни случаи од кои 6 се заболени со вирусот во последната недела од овој извештај.

Состојба во регионот на ЦЈЗ Гевгелија:
- Гевгелија - 7 активни
- Богданци - „0“ случаи -(вкупно заразени 1.019, оздравени 995, 24 завршиле со смртни последици);
- Дојран - „0“ случаи - (вкупно 345 заразени, 337 оздравеле, 8 смртни случаи како последица од корона.

Во државата има уште 15 општини со едноцифрен број на активни случаи. Од нив 6 општини имаат само по 1 евидентиран случај на активен на ковид-19, ( Св.Николе, Крива Паланка, Пробиштип, Кратово, Демир Хисар и Пехчево). Уште две општини во државата имаат по 2-ца активни (Берово и Виница) и 1 општина е со 3-ца активни.(Кочани).

Овој зимско-пролетен 5-ти по ред ковид бран во кој доминантен беше омикрон сојот во последните две недели, според исходот од заболувањето, 826 лица (0,3%) се активни случаи, а 298.532 случаи (96,7%) се водат како оздравени, кои биле или хоспитализирани или на домашно лекување. Од случаите кои се водат како оздравени, 8.061 или 11,1% од позитивните за кои има податок (n=72.575), биле хоспитализирани.

Македонија со корона наездата се соочи со првиот случај  регистриран на 26.02.2020 година и до сега имаше 308.620 заразени од корона.