Со мотото „Крвта да го чека болниот, а не болниот крвта“ денеска се одржа третата по ред крводарителска акција во хотел-казино „Фламинго“ во Гевгелија.
Традоцијата на крводарување продолжува со одзив на вработените и работниот персонал од компанијата, но и одзивот од граѓаните од Гевгелија и регионот.
Денеска се собрани 79 крвни единици донирани од хуманите граѓани.
Дека традицијата продолжува сведоци сме со организираните акции во „Фламинго“ за крводарување во 2020, (2021 се паузираше поради пандемијата), 2022 и годинава по трет пат на истата дата 23 февруари 2023 година. Освен традицијата се потврди и растежот на крводарителскиот одзив со собрани 43 крвни единици во 2020, 56 во 2022 и годинава 79 крвни единици, или пораст од 84% во однос на почетната година.
Акцијата се одржа во соработка со Трансфузиологија и Црвениот крст од Гевгелија, со помош на младите волонтери од ЦК во периодот од 10-16 часот.
Посакуваме – Добро здравје на крводарителите, но и брзо опоравување на тие што ќе ја примат донираната крв!
