Шест голови постигнаа браќата Узунчеви од Гевгелија, еден Антонио од Дојран, со што нивното учество во победата на МК репрезентацијата е цели 22% од конечниот резултат 32:28.
Ракометната репрезентација на Македонија до 19 години забележа победа над Романија (32-28) во вториот пријателски натпревар кој се одигра вчера во спортската сала „Автокоманда“ во Скопје.
Нашиот национален тим по победата на првиот меч која беше минимална (31-30) одигра уште еден ефикасен натпревар и даде над триесет гола. Овој пат, разликата беше поголема во однос на ривалот.
Најдобри стрелци во македонскиот состав беа Петковски и Димевски со по шест погодоци, додека по пет пати стрелаа Ристевски и Димитар Узунчев. Четири гола даде Калајџиески, два постигна Марио Стојановски, а по еднаш во листата на стрелци се запишаа Михајловиќ, Антонио Николоски, Димковскки и Тодор Узунчев.
Овие два натпревари беа дел од подготовките за Светското првенство што ќе се одржи од 2 до 13 август годинава во Хрватска.
Противници на нашите млади ракометари до 19 години ќе бидат селекциите на Норвешка, Црна Гора и победникот од квалификацискиот турнир кој треба да се одржи во Костарика.
