Традиционалното образовно рандеву организирано од МАССУМ (Младинска асоцијација на средните стручни училишта во Македонија), кое годинава се одржа во Гостивар на гевгелиските средношколци им донесе три награди – две ПРВИ места и едно ВТОРО место.
Учениците од СОУ „Јосиф Јосифовски“ на годинашниот МАССУМ 2023 ги освоија следните награди:
– Прво место во категорија најдобар штанд
– Прво место во баскет, и
– Второ место за Најдобра драмска претстава!
Овие достигнувања учениците од Гевгелија ги остварија во конкуренција од 52 средни училишта во државата кои учествуваа во сите предвидени категории на образовни струки и знаења кои се дел од образовните програми кај нас.
Зад резултатите постои голем труд на учениците и нивни вон наставни вложувања под менторство на професорите: Розета Картова, Илинка Илиевска, Влатко Семенаков, Даниела Џишева, Тања Чугунцалиева, Славица Маркова и Никола Караколев.
МАССУМ се одржува од 2026 година. Меѓу останатите 17 предвидени натпреварувачки категории имаше пинг понг, традиционално готвење, подготовка на видео реклама, подготовка на ВЕБ страница, поетска творба, изработка на постер, избор на најдобар бенд, најдобра фотографија, Кариерно Портфолио и други.
Со покажаните достигнувања нашите ученици заслужено котираат со своите резултати, кои ако продолжат образовно да се надградуваат ќе бидат квалитетно вреднувани и како стручњаци и професионалци во својата понатамошна работна кариера.
Честитки!
