Сообраќајка меѓу два велосипеда и двајцата ги однесе во болница со телесни и тешки телесни повреди. Еден од учесниците во сообраќајката е жител/ка на Богданци (МВР не го открива полот на лицето).
МВР информира дека синоќа вo 19:50 часот во СВР Скопје било пријавено дека на велосипедска патека од бул. „Партизански одреди“ во Скопје се случила сообраќајна несреќа помеѓу два велосипеда, управувани од П.В.(32) од Битола и К.П.И.(39) од Богданци.
По несреќата, двајцата велосипедисти биле пренесени во Градската општа болница „8 Септември“, каде на К.П.И. му биле констатирани тешки телесни повреди, а на П.В. телесни повреди.
