Во пресрет на новата учебна година компанијата „АЏИКО Home Center“ донираше училишен прибор и сетови за храна на Црвениот крст Гевгелија со цел тие да бидат распределени на ученици од општина Гевгелија.
Донацијата на оваа општествен одговорна компанија ќе биде наменета за ученици од семејства со ниски лични примања, на кои подготовките за училиште на нивното дете го отежнува семејниот буџет.
Донирани се 120 комплети училишен прибор и исто толку сетови за носење храна во училиште (сендрвич, вода), тетратки, ленири, дрвени боици, фломастери..
Секретарот на Црвен крст Гевгелија Лазар Мешков изјави за GevgelijaNet дека оваа донација е договорена на првата соработка со фирмата „Аџико Home Center“ во Гевгелија, во мај годинава, кога гевгелиската хуманитарна организација организираше здравствено-превентивна акција во просториите на компанијата во Гевгелија. Беа мерени ниво на шеќер во крвта и крвен притисок на граѓаните и посетители на „Аџико Home Center“. Тогаш е договорено од страна на компанијата “Аџико home center” дека одобрува донација на училишен прибор наменет за деца-ученици од социјално загрозени семејства. Но, бидејќи акцијата беше крајот на мај, а учебната година завршуваше во јуни договорено е испораката да биде пред почетокот на учебната 2023/24.
Испораката на донацијата е реализирана. Таа се наоѓа во Црвен крст Гевгелија и истата според изјавата на секретарот Мешков ќе биде распределена на социјално загрозени семејства кои имаат ученик/ци, од прво до 4то одделение. Распределбата ќе биде во првите денови од септември по добиен список од Центарот за социјални работи Гевгелија.
Од ЦК Гевгелија упатуваат повик и останатите општествено одговорни компании да се вклучат во поддршка на граѓаните.
