Во организација на „Еко-Росалес“, а со учество на 25 производители од југоистокот на Мекедонија денеска под топлото сонце на. Богданци, во грдскиот парк се одржа Првиот Фестивал на југоисточниот регион, каде беа презентирани локални традиционални еко прозводи.
Со пригодна културно-уметничка програма на која настапија Пејачката група на Здружението на пензионери од Богданци, Слободанка Арнаудова, ученици од ООУ „Петар Мусев“, студио за танци Свит Денс, групата „Фониа“, потоа Ице Горичев, „Трио Форте“ и ЗКУД ,,Бранд Петрушев” се збгати денешниот настан за пријатен амбиент и на посетителите и на изложувачите.
На настанот се промовираа трите адути на Слоу фуд, за добра, чиста и правична храна, така што штандовите изобилуваа со производи и вкусни и примамливи за око, што е адут во комерцијалната промоција.
Освен познатиот домашен мед, слатката од диви смокви, мармеладите, квалитетното сирење од фармата „Гогови“, овде на Првиот Фестивал во Богданци можеа да се вкусат и нови производи, на пример тартуфи, благодарение на брендот „Туф.мк“.
Се од тартуфи се деликатесите на Валентина Митрова на чиј штанд можеше да се проба маслото од црн тартуф, тартуфата, намаз со маслинки, путер и тартуфи, мед со тартуфи, слатко од портокал со тартуфи, слатко од црн тартуф со лути пиперчиња…
Тартуфите се вистински дијаманти во кулинарството бидејќи поседуваат околу 400 мирисни ноти, и затоа ги има во сите светски кујни.
Тука беа изложени и најубавите слатка и џемови од брачната двојка Ангелески
Посетителите на првиот Фестивал на југоисточен регион можеа да се засладат со мармалад од шипка, како оној што го јадевте во детството, правен во чиста еколошка средина на планината Бабуна, слатко од диви капинки, џем од глог, пикантно „ем слатко ем луто“, што ги прави семејството Ангелески.
Градскиот парк во Богданци денес беше центар на вкусовите на Југоистокот, место за деликатесно патување низ штандовите со љубезните домаќини и убаво попладне каде традицијата повикуваше да не биде заборавена, а домашните рецепти збогатени со новите технологии на подготовка, креативна уметничка амбалажа за продажба и можност дел од убавините да ги понесете и сервирате дома.
Подржувачи на овој интересен настан се Министерството за земјоделие, шумарство и водостопанство, „Слоу фуд Македонија“ и Општина Богданци.
