Четиринаесет деца на возраст до 13 години, членови на АК „7-ми Ноември“ денеска трчаа 500 метри и 600 метри трка наменета за деца на „Кавадаречкиот полумаратон 2024“
Најдобар на трката со должина од 500 метри беше 11 годишниот Максим Ангов кој освои подиум и пехар за ПРВО МЕСТО. Неговиот успех е дотолку забележителен бидејќи трчаше во конкуренција од 100 уесници-деца и сите ги остави зад себе. Максим трчаше во категорија на 4-то и 5-то одделенци и беше убедливо најдобар од 100-ката кои истрчаа на трасата во Кавадарци.
Вториот кој се искачи на подиум беше Антонио Каракабаков со победата во трката од 600 метри за деца од 13-14 години. И тој како и Максим е член на АК „7-ми Ноември“ и со гордост го вееше знамето на својот клуб кога го прими победничкиот пехар искачен на подиумот.
Тренер на најмалиот победник од гевгелискиот атлетски клуб е Тодор Анчев, спортски работник, професор, активен спортист и член на АК „7ми Ноември“. Тодор со својот спортски ученик веќе има освоено медали во државата и странство и верува во понатамошниот напредок на овој мал тркач.
– „Од 10 трки на кои Максим учествувал до сега има освоено 7 Први места и три Втори места. Пласманот Второ место го постигнува само во трки каде се натпреварува со деца поголеми од него, категории до 13 години“ – вели тренерот Анчев за малиот победник Максим кој досега во својата категорија останува непобеден
– „Малиот спринтер Максим има учествувано на 6 трки во Македонија и 4 меѓународни трки од кои една во Србија и три во Грција. Секогаш од трките се враќа со медал“, објаснува гордиот тренер.
На трките за деца освен Максим и Антонио истрчаа уште членови на гевгелискиот атлетски клуб: Петков Томче, Семенаков Горан, Лешев Митко, Чучанов Марко, Костадинов Живко, Костадинова Клара, Петков Матеј, Петкова Борјана, Мичев Теодор, Мичев Глигор, Толов Михаил и Толов Алексеј.
Бројна детска атлетска сила во формирање го краси Атлетскиот клуб „„7 Ноември“ Гевгелија, а тие со својата спортска решеност и спремност за натпреварување го красеа денеска Кавадарци и оттаму понесоа два пехара за одличен пласман.
