Вториот „Аксиос ранинг фестивал“ што се одржа вчера, недела во Грција за атлетичарот Тодор Анчев од Гевгелија значеше нов медал и нов освоен подиум.
Тодор Анев, член на АК „7 Ноември“ од Гевгелија, патеката од 10 километри ја истрча со трето време од бројните учесници на меѓународно ниво и се искачи на пиедесталот за носител на бронзениот медал за освоено трето место.
Стартот на трката на 10 километри беше во 9:00 часот по грчко сметање на времето, од местото Прохома, а целта беше до центарот на местото Гефира. Денот беше многу топол за овој напор, а вносната парична награда за победникот привлече многу спортисти од меѓународно ниво. Но, и со нив се носеше нашиот гевгелиски долгостазец-атлетичарот Анчев кој истрча трето најдобро време од сите учесници на „Аксиос ранинг фестивал“ и се дограби до бронзениот мендал.
На Вториот годинашен „ Аксиос ранинг фестивал“ се трчаа уште три трки: полумаратон на 21,1 километар, трка на 5 километри и детска тра на 1,6 километри. Сите трки стартуваа последователно со разлика од час и половина.
Од Атетскиот клуб „7ми Ноември“ од Гевгелија на овој тркачки фестивал во Грција учество зедоа и атлетичарите:
– Ристов Драган на трката од 21.1 километар (полумаратон),
– Анчев Тодор, 10 километри,
– Стоева Натка, 5 километри
– Крајчева Александра, 5 километри
– Петков Живко, 5 километри и
– Наташа Демерџиева, 5 км.
Од женските учеснички најзабележителен настап имаше Наташа Демерџиева која освои 4-то место на трката од 5 км, со задоцнување од само 3 секунди зад носителката на бронзениот медал за освоено трето место.
Им честитаме на сите гевгелсики претставници на тркачките патеки во Грција!
Честитки за носителот на бронзен медал Тодор Анчев!
