Во недела на 31 март Дојранското езеро го удостои со гостопримство првиот капач за оваа годишна сезона 2024.
Топлото време изминатите денови ја забрза желбата за капење на љубителите на мирните води на Дојран за плажирање и уживање.
Вообичаено капачката сезона неофицијално започнува со првомајските гости кои вжештени од шетање, славење, озарени од сонцето одлучуваат да се разладат во езерото кое ги мами на капење. Годинава поради топлата зима, топлиот почеток на пролетта сезоната на капење подрани за еден месец порано.
Дневните температури деновиве достигнаа до 26-от степен на Целзиусовата скала, а водата во езерото има температура од 15 степени. Тоа е за 6 степени потопла вода од дводеценискиот просек на температурата на водата на Дојранското езеро во март која изнесува 9 степени ( од 2001 до 2020 година).
Нивото на Дојранското езеро е на 146,2 мнм. Ова е за 2,9 мнм повисоко од „0-та“ котата која е на ниво 144,93 мнм.
Топлиот бран продолжува на југот, празниците се ближат, па ќе има и други мераклии за пролетно капење во Дојран.
Аирлија нека е сезоната!
Фото: Г. Поп-Кочева
