Неделава на 31 март во Гевгелија се одржа првото Државно првенство во мотокрос за оваа 2024 година.
На познатата патек Милци настапија 62 натпрварувачи од Грција, Италија, Србија, Македонија. Организатор на трката беше Гевгелискиот мото клуб „Мотокрос Гевгелија“ од Гевгелија во соработка со Мотоцикличната Федерацијата на Македонија.
Гевгелиските натпреварувачи беа вкупно шест на број, а од нив тројца освоија подиум.
Еве ги пласманите на членовите од „Мотокрос Гевгелија“:
1. ДИМИТАР МАЏУНКОВ – класа МХ – ПРВО место
2. ДРАГАН ДИМОВ – класа МХ-50 – ВТОРО место
3. ВАСКО КИРОВ – класа МХ-1 – ТРЕТО место
4. МИЛАН СТОЈАНОВ – класа МХ – 5то место
5. САШЕ ТРАЈКОВ – класа МХ-2 – 6то место
6. ИВАН ЦЕКОВСКИ – класа МХ-2 – 8мо место
Куриозитет е носителот на Второ место во класата МХ-50 Драган Димов кој има само 7 години, а почнал да вози мотор пред четири месеци. Тој е мотокрос откритие на патеката Милци за 2024 година.
Претседателот на клубот „Мотокрос Гевгелија“ Милан Стојанов е задоволен од постигнатите резултати на мотокрос тимот на Гевгелија, не само на последната трка, туку и воопшто.
– „Нашиот клуб е основаан од 2020 година, а успева две години по ред да биде второрангиран клуб по постигнати резултати во државата. ВТОР најдобар мото клуб во државата е „Мотокрос Гевгелија“ за 2022 и за минатата 2023 година. Очекуваме резултатите да ги потврдиме и оваа година“ – изјави за GevgelijaNet претседателот Милан Стојанов.
Меѓународната мотокрос трка на Милци и Гевгелија укажаа спортско гостопримство на 8 натпреварувачи од Грција, три натпреварувачи од Србија, еден од Италија, 6-мина од Гевгелија и уште 44 членови од мотоклубови од Македонија.
Следната, втора по ред мотокрос трка за Државното првенство на Мекедонија ќе се одржи на 20 април на патека во Скопје.
Ова се победниците, ПРВИТЕ места во сите натпреварувачки класи на трката „Милци 2024“:
1. ДИМИТАР МАЏУНКОВ – „Мотокрос Гевгелија“ (МКД) – класа МХ
2. Христијан Илиоски – МК „Пелистер“ (МКД) – класа МХ-1
3. Stats FISKIS (GR) – во класата МХ-2
4. Огнен Тодоров – МК „Ендуро тим Водно“, Скопје – класа МХ-2Ј
5. Слободан Ивчески – МК „Сакамото“ (МКД) – класа МХЅ
6. Vasilis TROHIDIS (GR) – класа МХ-50
7. Нина Олури – МК „Мотори“ – класа МХ-65
8. Вук Цаиќ (SRB) – класа МХ-85
Честитки за победниците, за носителите на подиум и за сите учесници.
Гевгелија останува на Мотокрос мапата на Балканот, а нашите натпреварувачи грабат кон тронот на Државното мотокрос првенство.
