Густ црн чад во моментов се издигнува од Универзалната сала во Скопје. На теренот се бројни противпожарни екипи и полиција.
Како што дознаваат медиумите од извори од противпожарната служба, пожарот е во внатрешноста на самиот објект. Засега нема информации за причината за пожарот.
Инаку, Универзална сала почна да се реновира пред еден месец, а надлежно за реконструкција е Министерството за култура.
Од Центарот за управување со кризи потврдија дека се запалила куполата на салата и во моментов интервенира Пожарната бригада на Град Скопје.
Новата купола беше ставена пред 10 дена и тогаш беше најавено дека таа ќе свети ноќе.
