Меѓу загинатите на Железничката станица во Нови Сад, каде што бетонскиот покрив се урна од зградата на станицата, се наоѓал и Васко Саздовски од Македонија.
Според информации на „Политика“, овој 45-годишен научник работел во Институтот „Биосенс“ во Нови Сад, каде што се истражуваат и развиваат информатички технологии за земјоделството.
Македонија синоќа изгуби. Една прекрасна жена и двајца алтани останаа можеби без еден од најпрекрасните сопрузи и татковци. Изгубија планините, останаа без голем заљубеник во ридовите, врвовите, камповите , изгуби тркачката дружина исклучителен пријател и спортист. Изгуби Свети Николе, можеби најголемиот научник што некогаш се родил во градот. Македонија изгуби, еднаш кога дозволи таков мозок како Васко да си замине од тука. И синоќа повторно. Овој пат неповратно.
Овa е еден од постовите на Фејсбук во кој се опишува исклучителната личност на Васко Саздовски (45), Македонецот, кој вчера го загуви животот во несреќата во Нови Сад.
Негови блиски велат дека Васко бил човек, кој Македонија не знаеше да го почитува и препознае неговото знаење, па затоа заминал во Нови Сад да работи како професор во Институт „Биосенс“, се истражуваат и развиваат информатички технологии за земјоделството и повремено доагал во Македонија. Бидејќи бил иноватор, Васко најблиските го викале „Васко научникот“.
Васко измислил робот, бил првенец на генерација, работел на сензорски технологии. Не само што бил иноватор, туку и спортист и вљубеник во планинарството. По потекло бил од Свети Николе, но со сопругата и двете синчиња живеел во Скопје.
Денеска е прогласен Ден на жалост во Србија, поради загинувањето на 14 лица врз кои се урна кровната конструкција на Железничката станица во Нови Сад.
Бетонската конструкција на станицата се урна вчера пред пладне, усмртувајќи 14 лица и тешко повредувајќи уште тројца.
Одлуката за прогласување Ден на жалост во цела Србија ја потпиша премиерот Милош Вучевиќ.
Градоначалникот на Нови Сад, Милан Ѓуриќ, прогласи тридневна жалост во градот.
