Под мотото „Ние гледаме луѓе“ синоќа во Гевгелија се одржа свечено одбележување на 80-от јубилеј од формирањето на Црвениот Крст на Македонија, најмасовната хуманитарна организација кај нас, но и најстарата организирана општествена единица после државата, формирана во 1945 година.
На свеченоста прсуствуваше генералниот секретар на Црвениот Крст на Македонија, д-р Саит Саити, со што на настанот му се даде највисоко ниво, а се одржа во организација на Општискиот Црвен Крст од Гевгелија. Саити ја нагласи важноста за постоењето на хуманитарната организација која од година во година расте и не само што пружа помош, туку и надеж на луѓето од заедницата со низата нови проекти и алатки за помош на лицата од социјален ризик, лицата со посебни потреби, во несреќи, во секојдневниот живот.
Саити ја спомена важноста на волонтерите кои од почетокот, од основањето на Црвениот Крст се вградија во организацијата и со нивниот труд го создадоа тоа што денеска претставува оваа хуманитарна организација.
На настанот се обрати и секретарот на Црвениот Крст на Гевгелија, Лазар Мешков кој нагласи дека во овие години Општинската организација не се стремела да биде меѓу најдобрите, но луѓето и волонтерите го дале најдоброто од себе, со што ЦК секогаш бил на браникот на хуманоста и солидарноста.
– „Нашата мисија не е само помош, таа е и надеж, и поддршка. Горди сме на минатото што го создававме, активни во сегашноста. Цел ни’ е до 2026 година да нема ниту еден член од семејството кој не слушнал за Црвениот крст, не е крводарител, волонтер, корисник на нашите програми за социјални услуги, или активен помагател на широкото хумано семејство на Црвениот Крст“.
Мешков најави дека годинава ОО на ЦК Гевгелија ќе биде домаќин на Републичкиот натпревар по прва помош, што е голема доверба и организационен предизвик што го добиле од Републичкиот Црвен крст на Македонија.
На настанот беа доделени Златни плакети за поддршка и соработка на општините Гевгелија, Богданци и Дојран, кои се во регионалната надлежност на ОО ЦК Гевгелија, Плакетите им беа врачени на градоначалниците Сарамандов, Шапов и Ајцев од страна на генералнит секретар на Црвениот Крст на Македонија, д-р Саит Саити.
Одбележувањата беа збогатени и со настап на ученици од Општинското музичко училиште „Васа Карајанов“ од Гевгелија и виолинистката Емилија Николовска, која пред три години ја почувствува големината на хуманоста од добрите луѓе, од Црвенот Крст.
Честитки за јубилејот на Црвениот Крст, честитки за носителите на активностите на ЦК, на волонтерите и сите оние кои со своите активности и придонеле да расте оваа хуманитарна организација, која е израз на човечноста, на солидарноста и заедништвото.
