Црквата „Св. Кирил и Методиј“ и манастирот „Свети Спас“ во Гевгелија во петокот на 7 март ќе одржат Прв Акатист кон Пресвета Богородица.
Овој петок е првиот петок од Велигденскиот пост спроти Тодорова сабота, и истиот е наменет и за првиот Акатист на кој доаѓаат и нововенчаните невести со нивните семејства.
Ако сте по адетите, и благословите, од Гевгелиското Архиерејско намесништво ги покануваат верниците и нововенчаните невести да дојдат да се помолат заедно на Мајката Божја за телесно здравје, долговечност, во се’ изобилство и спасение за душите наши.
Ова и како подготовка за ден Младенци на сите нови брачни парови кои склучиле брак по 22 март минатата година.
За акатистот се приложуваат 5 лепчиња, црно вино, масло, неварена пченица и имињата на семејствата кои се благословуваат за здравје, спасение и напредок.
