Денеска претпладне членовите на Доброволното против пожарно друштво од Дојран изведуваат симулација на сообраќајна несреќа и техничка интервенција за спасување на лицата во заглавено возило од несреќата.
Симулацијата ја изведуваат после неколкудневни подготовки и обуки од страна на стручни лица од Доброволното противпожарно друштво за хуманитарни интервенции „Флориан“ од Велика Британија.
Оваа показна вежба се изведува јавно на градскиот пазар во Нов Дојран каде секој граѓанин може да биде публика за новите технички можности и опремување на ДППД Дојран.
Како изгледа интервенцијата и спасувањето на човечки живот од заглавено возило погледнете од веќе одржаната вежба.
Во ДППД Дојран членуваат 20-на доброволци кои се првата интервентна екипа во случај на пожари на теренот на општина Дојран, а сега и со новата опрема и обука и во случај на сообраќајни несреќи.
– „Самодовербата не е отсуство на страв, тоа е убедување дека сте подготвени и дека имате сѐ во себе за да победите. Затоа сме тука, да победиме, но не за себе, да победиме за оние кои бараат помош од нас“ — велат од ДППД Дојран.
Среќно екипо и да имате помалку работа, помалку потреба за интервенции од пожар и несреќи!
