Драматични сцени доаѓаат од Катманду, главниот град на Непал, каде што демонстрантите против корупцијата ја нападнаа зградата на федералниот парламент.
Густ чад и видливи пламени се издигаат од зградата додека илјадници луѓе се собираат во близина, пркосејќи на полицискиот час воведен по вчерашната пукотница што дополнително го разгоре јавниот гнев против владата.
Protesters in Nepal have attacked and burnt down the houses of Nepal’s President, Prime Minister and other Ministers.
Kathmandu airport has stopped all operations.#NepalGenZProtest pic.twitter.com/MHfWdAzqfb
— With Love Bihar (@WithLoveBihar) September 9, 2025
Кризата кулминираше со оставката на премиерот на Непал, КП Шарма Оли, кој се повлече како одговор на протестите што се проширија низ целата земја. Во своето обраќање, тој изјави дека го сторил ова за да „го отвори патот за уставно решение на кризата“. Во бранот насилство, беа нападнати и вандализирани резиденциите на неколку истакнати политичари, вклучувајќи ја и онаа на самиот Оли и поранешниот премиер Шер Бахадур Деуба, а цел беа и седиштата на политичките партии.
Сопругата на поранешниот премиер на Непал, Џале Нат Канале, трагично загина откако беше жива запалена, откако нејзиниот дом беше нападнат за време на насилните антивладини протести кои го погодија главниот град Катманду.
#WATCH | Nepal: Protesters dance and celebrate as the private residence of former PM K.P. Sharma Oli, in Bhaktapur, burns. The Nepali PM resigned this afternoon amid demonstrations against the Government over alleged corruption.
(Video Source: TV Today Nepal) pic.twitter.com/d71H1bQ1KJ
— ANI (@ANI) September 9, 2025
„Демонстрантите убија и тројца полицајци, кои претходно се предале, а ја запалија и зградата на полициската управа“, се наведува во извештаите од местото на настанот.
Претходно, зградата на парламентот и домовите на високи политички лидери беа мета на насилствата. Стотина демонстранти, кои протестираа против корупцијата, упаднаа во парламентот и го запалија, предизвикувајќи хаос и уништување на институциите.
BIG BREAKING
Nepal Parliament gutted in Kathmandu by thousands of youth protestors. pic.twitter.com/tC4BLBbGY0
— Frontalforce 🇮🇳 (@FrontalForce) September 9, 2025
Протестите и нападот врз парламентот почнаа вчера, откако непалската Влада на 4 септември ги блокира социјалните мрежи како Фејсбук, Инстаграм и Јутјуб. Владата образложи дека компаниите не ги почитувале прописите, што го предизвика масовното незадоволство кај граѓаните.
Немирите избувнале кога владата забранила пристап до 26 социјални мрежи, но не и до ТикТок. Токму таму започнале да се шират снимките што го споредувале животот на обичните Непалци со луксузниот живот на децата на политичарите.
– „Забраната беше повлечена, но гневот остана“, соопшти владата на Непал.
Законот за социјални медиуми, што сѐ уште не е усвоен од парламентот, беше широко критикуван како алатка за цензурирање и казнување на оние кои ја изразуваат својата мисла преку интернет.
Насилството ја потврдува длабоката политичка криза во земјата и укажува на растечкото незадоволство на граѓаните од владејачките структури и предложените закони кои се сметаат за ограничувачки за слободата на говорот.
