Спасовден, патронот на град Гевгелија празнично се одбележува со векови од жителите на Гевгелија во слава на својот заштитник, како традиција на одбележување во манастирот „Свети Спас“.
Годинава одбележувањата започнаа со концерт на духовна музика кој се одржа во светоста на манастирското здание „Свети Спас“ и црквата„Вознесение христово“ синоќа во Гевгелија. На концертот настапија: Женскиот византиски хор „Свети Теофил Струмички“ од Струмица, Градскиот мешан хор „Гортинија“ од Гевгелија и уметницата Сара Мејс со псалмопеење и харха.
Чествувањата продолжуваат и следните три дена со културни програми поддржани од Општина Гевгелија и Домот на културата „Македонија“.
- Вечерва, 18 мај, во изложбениот салон „АМАМ “ во Гевгелија ќе биде отворена самостојна изложба на Александар Мијак со наслов „Љубов“, а отварањето е закажано во 19:00 часот.
- Во вторникот, 19 мај, ќе се одржи Дефиле на културно-уметнички друштва со почеток во 18 часот, а пред платото на Народниот театар во Гевгелија ќе се одржи вечер на староградски песни „Распеана чаршија“ која ќе стартува во 19:00 часот.
- Во средата, 20 мај празнувањата продолжуваат со одбележување на Денот на пожарникарите, во просториите на ТППЕ Гевгелија каде ќе се даде фокус на Меѓуопштинската соработка за безбедни заедници“ (11:00 часот).
Во забавниот дел ќе се вклучат студиото „Мистик“ со свој перформанс на градскиот плоштад во Гевгелија (19:00 ч.) и Концерт на групата „Панта Реи“ исто на плоштадот, но со почеток во 20:00 часот.
На 21 мај во Манастирот „Свети Спас“ празнувањата ќе се заокружат со Празнична утринска Богослужба која започнува во 07:00 часот, Света литургија во 08:30 часот и Водосвет и благословување на празничните колачи во 09:45 часот.
Свети Спас чувај ја Гевгелија, нејзините жители, дарувај им блага клима, топло срце и добрина во заедницата, со благород и среќа во секој дом!
Фото: Димитар Мијов
