Во саботата, на 30.05.2026 во 18:40 часот во Кочани полициски службеници од ОВР Кочани ги лишија од слобода Б.Б.(27) и П.Н.(28) двајцата од Гевгелија.
Причина за ваквата постапка на полицијата е поради тоа што по завршување на фудбалски натпревар помеѓу ФК ,,Кожув – Гевгелија“ од Гевгелија и ФК ,,Борец 1919“ од Велес на Градскиот стадион „Никола Мантов“ во Кочани, истите млади лица од Гевгелија, кои го следеле настанот како навивачи од фудбалска група, спречиле и нападнале полициски службеници кои извршувале службени дејствија.
За настанот е известен Јавен обвинител. По целосно документирање против нив ќе биде поднесен соодветен поднесок.
Воедно, Одделот за внатрешна контрола, криминалистички истраги и професионални стандарди ќе ги испита сите околности на настанот, вклучително и евентуални пречекорувања на службените овластувања од страна на полициските службеници.
