На празничниот 11 октомври во Велес се одржа ретка Изложба на олдтајмери, на кој имаше изложено 70-тина стари автомобили, освен од Македонија и од Србија, Хрватска и БиХ.
Најстариот автомобил во Македонија, марка „Форд Т“ произведен 1923 година беше изложен во Велес на собирот на олдтајмери – стари возила во возна состојба. Неговиот сопственик e Дрганчо Богевски Попето од Битола, а возилото го набавил летоска од Америка И покрај староста од 103 години, автомобилот и натаму е во возна состојба.
- „Овој автомобил е од првото сериско производство на фабриката „Форд“ и прв модел што можел редовно да се вози во сообраќај. Возилото не може да помине толку големо растојание од Битола до Велес, па затоа го шлепував. Возењето му е со брзина од 30 до 40 километри на час, па затоа не е за редовен сообраќај. Во тек е постапката за царинење, по што ќе следува регистрацијата. Се пали и на анлансер и на курбла. Автомобилот е за кратки релации, бандажите му се дрвени, гумите се на пумпање, има задни сопирачки и собира четири патници“, кажа Богевски.
Велешани и гостите на „Питијада 2026“ во чии рамки се одржа изложбата на стари автомобили, беа воодушевени што по првпат гледат вакво возило како од кратките неми филмови со Чарли Чаплин снимени на улиците низ големите американските градови на почетокот на 20 век, посетителите задолжително се сликаа покрај него.
На изложбата на олдтајмери беа претставени 70- тина возила олдатјмери во исправна возна состојба од: Македонија, Србија, Хрватска и Босна и Херцеговина од 50-тите, 60 тите и 70 тите години на 20 век. Имаше интересни модели на „Опел“, „Цитроен“, „Буба“ „Рено“ и други модели.
Посебно интересни за младите, а на кои со носталгија се сеќаваа повозрасните посетители беа возилата изработени и возени масовно во поранешна Југославија како популарните „Стоеден“ или „Стојадин“ и „Фиќо“ односно возилата „Застава 101“ и „Застава 750“ , произведени од фабриката „Застава“ во Крагуевац, Србија.
Меѓу изложувачите беше и славното „Рено 4“ од Стојаково, рекордер по извозени километри во 48-та година од производството, со исто така славните возачи на авантурите со „Реното“, Ѓорги Николов и Џоко Шуклев.
Стојачани докажаа дека уште имат убавица за изложување, рекордер по извозени километри, автомобил со вредност и докажана репутација.
Ова се сите изложени автомобили, олдтајмери:
Од локалните автомераклии со своите возила се претставија Александар и Андреј Мирчевски од Велес. Тие на изложбата ја донесоа и француската убавица „Пежо 203“ во бела боја од 1951 година во исправна состојба која била реставрирана од нивниот татко Борче Мирчевски страствен колекционер и мајстор за реставрација на олдатјмери, и еден од основачите на здружението „Кралеви на улиците“ од Велес, кое е организатор на изложбата.
