Најпознатиот винарски и ракијарски регион во Македонија, Тиквешијата, и годинава по втор пат го организираше Меѓународниот натпревар во оценување на ракија “Тиквешка Ракијада-2024”, со интенција истиот да прерасне во традиционален.
Предизвик за учество имаа и производителите на ракија од југот, познавачите на добрата капка, природни состојќи одгледани под сонцето на југот и моментот кога дестилатот ќе достигне совршена нота на домашната ракија. Најголем број на учесници и освојувачи на награда на овој Меѓународен фестивал на ракијата беа производителите од Богданци и богданско. Тие се’ вкупно собраа 17 награди за квалитет на своите домашно израборени од грозје, слива, овошни ракии, мастика.
Во категоријата “Лозова ракија” обоена и постара над 3 години освоено е ПРВОТО и ТРЕТОТО место по квалитет, или се’ вкупно 10 награди за квалитет. Носителите на медали и Победнички пехар отидоа во рацете на:
1.ПРВОместо – Голем ЗЛАТЕН медал – Коста Стратров за ракија произведена 2000 година со 48% алкохол и оценка од жирито 19,43 поени;
3.ТРЕТО место – Голем ЗЛАТЕН медал – Димитар Франгов за лозова ракија произведена 2016 година со 40% алкохол и оценка од жирито со 19,30 поени;
11 место – Голем ЗЛАТЕН медал – Николчо Рамаданов
12 место – ЗЛАТЕН медал – Костадин Воданов
13 место – ЗЛАТЕн медал – Димитар Франгов
15 место – ЗЛАТЕН медал – Коста Стратров
17 место – Голем СРЕБРЕН медал – Димитар Улишев
19 место – Сребрен медал – Арсен Шутаров
23 место – Сребрен медал – Коста Стратров
25 место – Бронзен медал -Сашо Петков.
Во категорија “Мастики” наградите ги освоија:
2.ВТОРО место – ЗЛАТЕН медал – Костадин Воданов за мастика произведена 2019 година со 41% алкохол;
4 место – Сребрен медал – Арсен Шутаров
6 место – Сребрен медал – Тимчо Минев
8 место – Сребрен медал – Коста Стратров
Во категорија “Слива” покрај прејаката конкуренција од Р.Србија, високо 4-то место за Димитар Франгов и ГОЛЕМ ЗЛАТЕН медал.
Во категорија “Ракија лозова обоена” до 3 години, Тимчо Минев освои златен медал и високо 6-то место и БРОНЗЕН медал 30’то место.
Во категорија “Овошни ракии” Костадин Воданов освои БРОНЗЕН медал.
Богданчани горди на своите вредни домаќини, производители на капката за добредојде, на пијалокот за радост, за свадба, за веридба, едноставно за секој домашен среќен настан, традиција на наздравување и славење. Познавачите на добрата стара традиција на печење домашна ракија своите познавања ги носат од дамнина, од традиционалните приготвувања во семејството, а со новите технологии се усовршуваат во изведбата на квалитет, вкус, мекост, јакост на пијалокот.
Честитки за победниците, за носителите на медали, за освојувачите на победнички пехари. И од толкуте познавачи на оваа древна умешнст на подготовка на домашна ракија може ќе се изнедри и некој фестивалски настан за ракијата и виното во Богданци, на југот од Македонија.
Организатор на настанот е Здружението на производители и мали дестилери на јаки алкохолни пијалоци “Ж’та” од Кавадарци кој годинава рганизираше оценување во 12 натпреварувачки дисциплини за квалитет на домашна ракија, мастика, узо, сливова ракија, виљамовка, јаболкова, ракија од кајсии, други овошни ракии од вишни, цреши, аронија, боровница, ликери.
Настанот привлече производители на ракија од регионот, Србија, Бугарија и други соседни земји.
