Ристо Миов, сопственик на винаријата „Миов“ од Гевгелија и годинава ја заокружува производната и саемска сезона со освојување на нови медали за квалитет.
На годинашниот вински сем „Wine Vision“ што се одржува од 22 до 24 ноември во Белград тој денеска се пофали дека нивните вина освоиле два медала, еден златен и еден сребрен.
Годинава на саемот има 532 учесници од 45 земји од светот. Само од Македонија се претставуваат 24 винарии, а меѓу нив и гевгелиската винарија „Миов“ на Ристо Миов.
Тој се претстави со својата винска продукција: „Монограм“ од бербата 2021, „Симфонија“ произведено 2021, „Империум 2020, „Вранец“ 2020, „Вранец & Каберне Совињон“ 2022, „Вранец“ 2023 и белото вино „Темјаника“ произведено 2023 година. Неговата годишна продукција е 10.000 литри вино.
Виното „Вранец & Каберне Совињон“ од берба 2022 година годинава освои сребрен медал на Балканскиот вински саем 2024 година, Сребро освои и црвеното вино „Вранец“ од 2022 година. Новоосвоените медали за квалитет на вината на винарија „Миов“ се само потврда на резултатите кои траат.
Достигнувањето на Ристо Миов е дотолку поголемо што се изборува за медал за квалитет меѓу 45 светски земји, над 500 учесници, кои изложуваат по неколку врсти на вина, што значи вкусот и квалитетот се препознаени меѓу 20-30.000 примероци на вино.
Честитки за винарија „Миов“ и да знаете што ново треба да пробате за крајот од оваа година – победничките вина од винаријата на Ристо Миов и за ведар и величествен дочек на Новата година!
Саемот се организира по трет пат, под покровителство на владите на Србија, Северна Македонија и Албанија во рамките на иницијативата Отворен Балкан.
Целта на саемот е да се прослави занаетот на мајсторите во производството на најдобрите вина и да се промовира уникатна комбинација на вкусови и ароми кои го претставуваат духот на Балканот, неговата географија и изобилството на сорти, како и начинот на размислување на оние кои уживаат во вината што доаѓаат од овој и од другите региони.
