Полноќна акција на царинските и полициските службеници на Граничен премин „Богородица“ во кое е спречен шверц на акцизна стока.
Синоќа, на 06.05.2025 во 00:10 часот на паркинг во меѓупросторот на Граничен премин „Богородица“, полициски службеници го лишиле од слобода Н.М.(55) од Република Грција.
Тој бил затекнат како во патничко возило „Ауди А6“ со германски национални ознаки става поголема количина цигари. При контрола на возилото било констатирано дека регистарските таблички биле одјавени и припаѓале на друго возило, додека во возилото биле пронајдени 276 штеки различни видови цигари и 20 пакувања тутун без документација.
Инаку, во претходниот период, во содејство со Царинската управа се преземени оперативни мерки и е констатирано дека возилото се користи за криумчарење на акцизна стока.
Известен е јавен обвинител, возилото и цигарите се одземени, а лицето е спроведено во Полициската станица Гевгелија.
По целосно документирање на случајот, против него ќе биде поднесена соодветна пријава по член 378 од КЗ – „фалсификување исправа“ и по член 278 – „криумчарење“ од Кривичниот законик на Македонија.
За првото дело „фалсификување исправа“ на сторителот му се запретува законска парична казна, или казна затвор до три години, а за второто дело „криумчарење“ му се запретува парична казна, или законска казна затвор од четири до пет години.
