Почетокот на викендот за некои жители и посетители на Гевгелија го сметале за почеток на својата слобода во однесувањето – некого го инспирирало на прекумерно пиење алкохол па и физичко посегање по службено лице на полицијата, други се вдале во користење опијати, трет „стиснал3 на педалата за гас да одлета во провод.
На 14.08.2026 во 20:20 часот во Гевгелија, полициски службеници од СВР Струмица-ОВР Гевгелија го лишија од слобода Д.И.(51) од Гевгелија. Тој околу 20:15 часот во Гевгелија агресивно се однесувал кон полициски службеници кои извршувале службени задачи, а во еден момент и физички нападнал еден од нив. Тој бил задржан во Полициската станица Гевгелија, а од извршеното алкотестирање е утврдено дека бил под дејство на алкохол односно му биле измерени 1.69 промили алкохол во крвта. За настанот е запознаен јавен обвинител од Основното јавно обвинителство Гевгелија, а по документирање на случајот против Д.И. ќе биде поднесена соодветна пријава.
На 14.08.2026 во 19:50 часот, на брана „Топлик“ Гевгелија, полициски службеници од СВР Струмица-ОВР Гевгелија го лишија од слобода П.А.(30) од Гевгелија. При преглед кај него била пронајдена бела прашкаста материја. Запознаен е јавен обвинител од Основното јавно обвинителство Гевгелија, а по документирање на случајот ќе биде поднесен соодветен поднесок.
На 14.08.2026 во 22:30 часот, во Гевгелија, полициски службеници од СВР Струмица-ОВР Гевгелија ги лишија од слобода К.Ч.(35) и М.П.(36), двајцата од Струмица. При преглед на патничко возило „Шкода“ со струмички регистарски ознаки, управувано од К.Ч., во кое сопатник била М.П. е пронајдена марихуана. Запознаен е јавен обвинител од Основното јавно обвинителство Струмица, а по документирање на случајот ќе биде поднесен соодветен поднесок.
Лишено од слобода лице од Германија, возело со брзина од 203 километри на час на автопат
Денеска (15.08.2026) во 08:00 часот, на автопатот „Пријателство“, кај село Милетково, гевгелиско, полициски службеници од СВР Струмица – ОВР Гевгелија го лишиле од слобода М.Ф.(46) од Германија.
При контрола на патниот сообраќај со радар, полициските службеници констатирале дека М.Ф. управувал патничко возило „БМВ“ со германски национални ознаки со брзина од 203 километри на час, на место каде што со сообраќаен знак брзината на движење е ограничена на 120 километри на час.
За настанот е запознаен јавен обвинител од Основното јавно обвинителство Гевгелија, а против лицето ќе биде поднесена соодветна пријава.
