Винекдов беше научно-забавен за членовите на „Мобилност“ Гевгелија и „Мобилност“ Македонија.
На 07-08.10.2023 година, во хотелот “Галеб” во Струга, се одржа 29. Републички квиз натпревар на лицата со телесен инвалидитет на Македонија. „Мобилност“ Гевгелија беше преставуван од три членки и тоа: Благица Ѓоргиевска, Љубица Марковска и Валерија Пеева кои за прв пат учествуваа како натпреварувачи во квиз натпреварот.
По претходно одржаните квалификациски натпревари на 14.09.2023 во здружените членки на сојузот, тринаесет здруженија пријавија учество на овој прекрасен настан кој изобилуваше со многу знаење, самодоверба и снаодливост од страна на сите учесници.
По одржаните четири четвртфинални квиз натпревари во саботата, 8 екипи изборија пласман во полуфиналните борби. Овде секако беа и претставничките од „Мобилност“ Гевгелија, што значи дека во четири турнуса од квиз испрашувањето тие покажале задоволително знаење за да се пласираат во полуфинале.
Сепак, брзите прсти за пријавување за одговор, наспроти останатите полуфиналисти, одлучија нашите претставнички од Гевгелиското здружение „Мобилност“ овде да го завршат квиз натпреварот.
Иако Мобилност Гевгелија не влезе во финалните натпревари сепак ова беше убаво искуство за сите учесници.
Првото место и титулата “Шампион на знаење за 2023 година” со 97 бодови освои „Мобилност“ од Куманово. Второто место им припадна на претставниците од „Мобилност“ Кочани со освоени 93 поени, Третото на „Мобилност“ Велес со 43 поени и четвртото на екипата од Кочани со 42 освоени поени.
Прекрасна организација на настанот, благодарение на средствата за финансирање на програмските активности за 2023 година добиени преку Министерството за труд и социјална политика.
Честитки до сите победници и сите учесници!
