Синоќа во СЦ „Борис Трајковски“ во Скопје се одржа спортски ракометен спекткл наречен „Сите ѕвезди“ на кој учествуваше и ракометниот репрезентативец од РК „Младост“ Богданци – Митко Стоилов.
– „Поздрав до златната генерација на македонскиот ракомет од која беше и нашиот Митко Стоилов“ – изјавија од РК „Младост“ Богданци, потенцирајќи уште дека:
– „Македонија има легенди кои заслужуваат достоен поздрав. Во таа чест РК „Младост 1977“ од Богданци на нашата ракометна легенда Митко Стоилов му додели признание, уметничка фотографија како сеќавање од 16 годишната репрезентативна кариера, настапувајќи за македонската селекција. Кака долу, како што рече и коментаторот, за ракометниот великан од Богданци, Митко Стоилов“ – изјавија од РК „Младост“.
Настанот го следеа повеќе од 6.000 љубители на спортот кои имаа уникатна можност да го видат најдоброто од македонскиот ракомет на едно место, поточно, тоа што машкиот ракомет го имаше некогаш и тоа што го има во моментов беа на двете страни на теренот. 20 ветерани предводени од Звонко Шундовски и Илија Темелковски, беа на една страна, додека избраниците на Кире Лазаров беа на другата страна.
Ревијалниот натпревар имаше хуманитарен карактер со тоа што сите средства собрани од продажбата на билетите ќе бидат донирани за помош на СОС Детско село од Скопје.
