Трајан Димковски, државен советник за земјоделие и Небојша Стевановиќ, член на ЦО СДСМ денеска остварија средби со граѓаните од Гевгелија и Мрзенци во рамките на карванот „Рамо до рамо до победа“.
Тие ги промовираа политиките на СДСМ кои секогаш имаат тежина и далекусежни придобивки за државата и нејзините граѓани, наместо десничарскиот отпор и опструкции на секое поле кое го презентира опозицијата.
Справувањето со ковид кризата не остави залет за брзо опоравување, туку Европа и светот со војната во Украина навлегоа во нова криза енергетска и економска наметната од надворешното меѓународно-економско опкружување.
– „Донесовме државнички одлуки и ја внесовме земјата во НАТО. Да не беше таа храбра одлука спроведена од СДСМ сега други регресивни структури ќе се движеа во Македонија со намера да го наметнат своето влијание. Обезбедивме непречено снабдување со електрична енергија, ја покачивме минималната плата, ја покачивме псосечната плата, воведовме минимална пензија, ги замрзнавме цените на дел од овошјето и зеленчукот со цел да го одржиме животниот стандард. Секогаш носиме одлуки во корист на граѓаните“ истакна Димковски пред гевгеличани.
Димковски го спомена и капиталниот проект „Конска брана“ кој е петдецениска заложба на политичари од две општествени уредувања, а еве конечно успева тоа да го реализира СДСМ. „Конска Брана“ треба да обезбеди наводнување за 8.000 хектари емјоделско земјиште, а бенефит од тоа ќе имаат секако земјоделските одгледувачи.
Освен инвестициите, напоредно се одвива и политиката на субвенционирање. За прва пат годинава поради неповолните пазарни констелации поради војната во Украина одгледувачите на зимска зелка останаа без пласман. Министерствотот за земјоделство шумарство и водостопанство после средба со граѓаните од овој крај, меѓу кои и во Балинци е на пат да донесе нова мерка за исплата на отштета на одгледувачите на зимска зелка.
– „Тоа го подготвуваме и наскоро ќе биде донесено и исплатено кон одгледувачите на зимска зелка согласно засадената површина со оваа култура“, рече денеска Димковски при средба со граѓаните на Мрзенци.
Во Мрзенци интересот на граѓаните беше насоочен кон замјоделието, исплатата на субвенциите, кога ќе дојде бенефитот од капиталниот проект „Конска брана“ за земјоделците во Мрзенци. На крајот од средбата со граѓаните гостите остварија посета на едно сточарско семејство од овој крај.
