На новоформираната Вело патека денеска се одржа првиот Велотлон трка во Гевгелија чиј организатор е АМД „Дичо Панов“ од Гегелија.
Велотлонот е трка со велосипеди, трчање по земјена патека и трчање со препреки.
Денешниот прв Велотлон привлече многу домашна публика, но и бројни учесници.
Најуспешни на натпреварувачката траса беа:
1. Даниел Анчев – ПРВО место
2. Мите Досков – ВТОРО место
3. Влатко Семенаков – освоено ТРЕТО место
Организаторот на Велотлонот на првите тројца им подели Плакети за учество и парични награди во вредност од 15.000 денари за првакот, 10.000 денари за второпласираниот и 5.000 денари за носителот на третото место.
На првиот гевгелиски Велотлон беа доделени и награди за најмлад учесник на спортскиот настан, кој го понесе 14 годишен учесник, за најдобар младинец, младинка велосипедист учесник. Наградата за најстар учесник ја понесе Живко Мурџев со своите 72 години и се’ уште полн со спортски предизвик и мотивација за натпреварување.
Од името на оррганизаторот, директорот на АМД „Дичо Панов“ за GevgelijaNET изјави:
– „На првиот гевгелиски Велотлон се пријавија за учество над 80 велосипедисти желни за натреварување. Сепак на стартот се позиционираа 43 натпреварувачи. Се трчаше траса од 4.750 метри од кои во првата фаза се возеше велосипед од 3.620 метри, потоа се трчаше траса од 110 метри, па 80 метри со пречки, се продолжува уште 560 метри со трчање и последните 380 метри повторно се вози велосипед. Трасате е израдена, обележана и со пречки распоредени во природна среднина во месноста „Корија“ кај Негорските минерални бањи“ – изјави Гавровски.
За ваквата полна спортска слика во зеленилото на Коријата, Гавровски ни’ посочи дека тоа им била целта како организтори:
– „Со реализацијата на Велотлон трката сакавме да создадеме слика за Гевгелија како вело град, коков што инаку е, но и да дадеме поддршка за велосипедизмот, поддршка за спортувањето и создавање здрави навики кај младата популација“.
Со оваа полна слика здравје и насмеани лица целта е постигната!
