Вечерва околу 20:30 часот победничката на „Ѕвездите на Гранд“, 21-годишната струмичанка Славица Ангелова се врати во својата родна Струмица. Општина Струмица и’ организираше свечен дочек на локацијата „Кај чешмичката“, на влезот во големиот градски парк. Заедно со Славица во Струмица дојде и нејзиниот ментор во оваа балканско натпреварување, Ѓорѓе Давид.
Славица беше единствената од Македонија која се пласира во финалето на „Ѕвездите на Гранд“ (беше под менторство на Ѓорѓе Давид) и успеа да освои 88.367 гласови на публиката од Србија, Босна и Херцеговина, Црна Гора и Македонија, што е за 17.000 гласиви повеќе од второпласираниот од финалниот избор.
Освен победничкиот пехар, Славица од организаторот доби договорот за снимање песна, рекламно застапување на победничката со нејзината нова песна од продукцијата на „Гранд“., но и нов автомобил вреден 20.000 евра, марка „Фиат Типо“.
Славица која ја најави струмичанката Стојна позната од скечевите К-15, на бината „Кај чешмичката“ струмичаните и бројната публика ги поздрави со песна, а секако топли поздрави испорача и Ѓорге Давид најавувајќи уште соработка со македонската музика, по што вети дека ќе научи македонски јазик.
Струмичани ја дочекаа со букети цвеќе и прегратки. Славица ја почести публиката со песна, а не можеше да ги одбегне ниту бројните обожаватели за селфиња. Се’ на се’ убаво доживување, победа, пречек, песна, среќа.
Честитки за македонското грло кое ја прослави македонската песнопејна нација!
Видео и Фото: Радио Струмица Нет
