Првпат во историјата на македонското здравство, утрово од еден дарител беа експлантирани четири органи во еден акт.
„Благодарение на хуманоста на едно семејство, нивната љубов, добрина и емпатија која ја носат во себе, рано утрово ново срце почна да чука во градите на 40 годишен пациент од Скопје“, велат од министерството за здравство.
Нова шанса за живот и црн дроб доби пациент со хронична црнодробна болест, а двајца пациенти на дијализа во текот на денот ќе добијат бубрези. Дополнитено шанса за поквалитетен живот наредниве денови ќе добијат пациенти со коскени заболувања.
– „Уште еднаш благодарност до семејството на донорот кои со нивната несебична одлука ни донесоа утро полно надеж и верба во безусловна добрина“, додаваат од МЗ.
– „Благодарност до сите медицински тимови кои изминативе 24 часа работеа и се уште работат на скопските хируршки и интерни клиники. На пациентите кои добија органи им посакуваме брзо опоравување. Горди сме на секој нов успех во македонското здравство“ истакнуваат од МЗ.
![](https://gevgelijanet.com/wp-content/uploads/2023/07/Oper-444-750x500.jpg)
Во изминативе три години Македонија забележа значителен напредок во областа на донирање на органи.
Лани имаше трансплантации и на 10 бубрега од починат дарители, 2 срца кај тешки пациенти и извршени 10 инплантации на коскени ткива. За последниве две години тоа се вкупно 8 срца, 30 бубрези, 20 коскени ткива.
Првата трансплантација на црн дроб се случи на 24 ноември лани, а втората на 4 јануари годинава.
Ерата на трансплантации во Македонското здравство започна со 43 годишна Емилија Динева од Дојран која е првиот донор на срце во Македонија, после кобна сообраќајна несреќа, во мај 2020 година. Македонското здравство напредува со трансплантациите, а човекољубието како чин на одобрување на трансплантацијата од починат донор од страна на роднините расте.