Најдобрата македонска тенисерка Лина Ѓорческа е победник на тенискиот ИТФ-турнир во Куршумлиска Бања, Србија, кој се играше неделава на земјени терени и за награден фонд од 40 илјади американски долари.
Во финалето на силниот турнир (W40) во Куршумлиска Бања, Србија, нашата 🇲🇰 Lina Gjorceska извојува победа против хрватската тенисерка 🇭🇷 Антониа Ружиќ (6-3 ; 6-3) и ја освои титулата.
Колку беше силен овој турнир покажува фактот дека на него учествуваа дури 18 тенисерки коишто на светската ранг-листа биле во првите 200, а меѓу нив беа и Александра Круниќ (беше 39-та тенисерка во светот) и Романката Александра Игнатик (највисок ранг: 59-та на WTA листата).
Ѓорческа и во финалниот меч прикажа одлична игра, со многу самодоверба. Во двата последни меча на турнирот, полуфиналето и финалето, таа доминираше и изгуби вкупно само 10 гема..
Оваа титула на Ѓорческа и донесе нови70 поени на WTA листата и на Live WTA Ranking моментално се наоѓа на 186. место.
Најдобрата македонска тенисерка, Лина Ѓорческа, по вчерашниот триумф на фјучрсот во Куршумлијска Бања и освоените 70 поени од турнирот, се искачи на 186-тото место на ВТА-листата, што е напредок дури за 30 места во однос на минатата недела.
Лина сега е многу блиску до својот најдобар ранг, кога беше 170-та на светот во јуни 2017 година.
За 29-годишната тетовка ова е прв трофеј годинава, а вкупно 13 освоен турнир во професионалната кариера.
