Осуммина спортисти, членови на АК „7-ми Ноември“ од Гевгелија денеска учествува на трки од меѓународен ранг во местото Ваптисис, Република Грција. Од нив четворица се закитија со медал за освоено ПРВО место, а вкупно петмина освоија подиум.
Првите места ги понесоа:
– Анчев Тодор на трка од 10 километри,
– Епов Атанас на трка од 5 километри,
– Ангов Максим на детската трка во конкуренција машки и
– Хана Клинкарова во конкуренција детска трка за девојчиња.
Подиум за трето место освои Демерџиева Наташа за истрчано трето време на трката од 5 километри.
На чекор до подиум беа Прошевски Дарко со освоено 4-то место на трката од 10 км и Цицмиловиќ Божидар со освоено 4-то место во детската трка за машки.
Успешно финиширање на траса од детската трка имаше и Матеа Попова.
Трката се одвиваше во близина на Кукуш по топло време со старт во 17:30 часот. Патеките беа треил. Се стартуваше од плоштадот на населеното место Ваптисис, се излегува кон околните ритчиња со елевација од 80 метри висинска разлика на трасата на 5 километри и со елевација од 160 метри на трасата од 10 километри.
Видео од почетокот на трката низ улиците на Ваптисис.
Успешен спортски настап на гевгелиските атлетичари, и младите, и возрасните, достојни на спортското име „7ми Ноември“ Гевгелија !
Честитки за спортската промоција на Гевгелија и нивниот забележителен успех!
