Цветанка Илиева, Генерален менаџер на „Бистро Груп“ ДОО од Гевгелија е добитник на статуетка „Жена водилка“ како добитник на наградата „Најуспешна жена менаџер за 2024“ во избор на Агенцијата „Марили“.
Оваа македонска агенција веќе речиси три децении посветува интерес за жените менаџерки, го следи и вреднува нивниот труд и растеж, како и општествениот инпут, поради што имаат свое докажано бизнис реноме. Инаку, годинава „Мерили“ по 28-ми пат ги наградува најуспешните жени менаџерки и претприемачи од земјава и регионот, кои оставиле длабок печат со својата работа и труд
Годинава на листата на добитници на жени менаџерки меѓу 13-те избранички по стандардите на „Мерили“ во најтесниот избор влезе и долгогодишната менаџерка од Гевгелија Цветанка Илиева.
На манифестацијата на доделувањето на наградните стетуетки „Жена водилка“ Цветанка беше претставена како Генерален менаџер на „Бистро Груп“ ДОО – Гевгелија. Инаку, таа е и менаџер на компанијата за производство на домати „Баџо ПТ“, на компанијата „Ледра Агро“ за одгледување на лозарски и овошни насади и компанијата „Хелтен медика солушн“ компанија за производство на медицински канабис.
Манифестацијата „Менаџерки на годината за 2024“ се одржа во Скопје, во „Панорамика Дизајн Хотел“, во саботата, 18 мај.
Еве ги сите 13 добитнички на статуетката „жена водилка“:
1. Д-р Катерина Бошевска – Генерален директор на „ЕОS Македонија“ и „EOS Косово“,
2. Жанета Бадаровска Ѓорѓиевска – Генерален менаџер „Камел 98“ – Виница
3. М-р Евгенија Ѓорѓиеска – Извршен менаџер, „Ламинати КОМ“ ДОО – Прилеп
4. Цветанка Илиева – Генерален менаџер, „Бистро Груп“ ДОО – Гевгелија
5. М-р Ирена Јакимова – Генерален менаџер, Инспирит Коучинг- Скопје
6. Д-р Јелисавета Георгиева Јовевска – Потпретседател на СКСМ, Стопанска комора на С. Македонија
7. M- р Клаудија Лутовска – Генерален менаџер „Сеттим Консалтинг“ – Битола
8. Марија Патриклиска – Менаџер за човечки ресурси, „ЕАМ“ ДОО – Штип
9. М-р Маја Наумовска Савеска – Директор на корпоративни и маркетинг комуникации „Халкбанк“ АД – Скопје
10. М-р Весна Ставрова – Генерален менаџер ПЗУ Аптека „Сара Фарм“ – Скопје
11. Д-р Сања Путица – Менаџер за односи со јавност и инвеститор „Атлантска пловидба“ д.д – Р. Хрватска
12. М-р Дариа Шуриќ – Генерален менаџер „Dar Mell“ – Р. Хрватска
13. М-р Зорана Пејчиќ – Генерален менаџер и Претседател на ИО „ДУНАВ РЕ“ (Дунав Реосигурување), Р. Србија.
Целиот пет часовен настан имаше церемонијален карактер, достоен за „Жените водилки“, средби на бизнисменките и претприемачките со претставници од државните институции и реалниот сектор, со претставници од дипломатскиот кор, но и забавна програма со изведувачи на класични одбрани дела.
Жените го освојуваат секое поле од општествениот живот, а во бизнисот веќе оддамна ги има, но успешните се ретки и треба да се издвојат, пофалат, наградат за да и понатаму инспирираат со својата иницијативност и деловни потези за растеж и развој во бизнисот.
Честитки до нашата гевгелиска носителка на статуеткста „Жена водилка“ од добиената награда „Менаџерка на годината за 2024“ – Цветанка Илиева!
