Новиот шампион од Гевгелија се вика Ивана Груиќ – стана Првак во тенис во Македонија за 2024 година.
Ова е ВТОР последователен трофеј за Ивана на Државното првенство во тенис за средношколки. Таа беше прогласена за најдобра тенисерка-средношколец со победата на Државното првенство и минатата година, за 2023. Беше втора на истото првенство во 2022 година и откако научи да биде на тронот меѓу средношколките тенисери опстојува на тронот само со нови победи.
На денеска одржаното Државно првенство во тенис на терените во Прилеп, ученичката од СОУ,,Јосиф Јосифовски” Ивана Грујиќ го освои ПРВОТО место.
На турнирот се натпреваруваа осум натпреварувачки во женска конкуренција. Ивана Груиќ до медалот стаса со три последователни победи.
Во Четврт финалето одигра со резултат 4:0, 4:0, и оствари апсолутна доминација на теренот. Тоа го повтори и во ПОЛУ финалето каде оствари резултат 4:0, 4:0 наспроти својата противничка која не оствари ниту еден поен. Во финалето Ивана беше исто самоуверена и доминантна и победи со резултат 4:1, 4:2.
Тениското торпедо од Гевгелија е ученичка во трета година во СОУ „Јосиф Јосифовски“ Гевгелија. Ивана со тенисот се запознла многу рано и тренира од својата 7-ма година. Во првата учебна година беше втора на ДП во тенис, во втората и третата школска година како средношколец Ивана ГРУИЌ е ПРВАК на Македонија во тенис за средношколци.
Ментор на сега веќе државниот првак во тенис за жени на Македонија Ивана Груиќ е професорот по физичко воспитување при СОУ „Јосиф Јосифовски“ Гевгелија, Влатко Сменаков.
Пласманот на Државното првенство во женска и машка конкуренција е следен:
ЖЕНСКИ
1 место Ивана Груиќ – СОУ„Јосиф Јосифовски“ – Гевгелија
2 место Ана Манасиева – СОУ„Љупчо Сантов“ – Кочани
3 место Анастасија Ризинов – СОЗШУ „Ѓорче Петров“ – Кавадарци
МАШКИ
1 место Павел Мукаетов – СОУ „Добри Даскалов“ – Кавадарци
2 место Филип Панов – СОУ „Добри Даскалов“ – Кавадарци
3 место Петар Игески – ДСУ „ Спортска Академија“ – Скопје
Организатор на првенството е федерацијата на училишни спортови на Македонија.
Оваа НОВА победа на Ивана заслужува честитки и потстрек за напредок и понатаму во спортот.
