Со време од 47 минути и 16 секунди, истрчана тркачка траса од 10 километри Дарко Прошев од Гевгелија оствари најдобро време на трката „Патот на апостол Павле“ во Катерини, Република Грција.
Трката се реализираше во саботата 22 јуни во организација на Грчката црква со истото име во областа Катерини, во соорганизација на грчкиот атлетски клуб „Зевс“, а се одвиваше на патниот правец Метони-Пидна, место познат по археолошкиот локалитет (Methoni-Pidna).
Трката е традиционална и претставува световен начин на славење на придобивките за православието што ги оставил апостол Павле, не само во Грција, туку и во Македонија и цела Европа.
Освен Дарко кој беше најбрз на трасата, од гевгелискиот атлетски клуб „7 Номенрви“ на истата трка настапија и: Ристов Драган, Узунов Борче, Ковачев Никола и Нанчев Никола.
Нивното време потрошено на трасата за да стасат до ЦЕЛ-та е следно, по редослед на пристигнување:
– Узунов Борче – 51:38 минути
– Ковачев Никола – 54.30 мин.
– Нанчев Никола – 55:31 и
– Ристов Драган 59:55 минути.
Освен 5-темина атлетичари од Гевгелија Македонската атлетска сила беше збогатена и со 5 претставника-учесници од АК „Б-фит“ од Штип.
Им честитаме на сите за спортското претставување на Македонија и честитки за најбрзиот од македонските претставници, гевгелискиот атлетичар Дарко Прошев.
