На два часа пред полноќ синоќа гореше автомобил во Валандово.
Полициските службеници од СВР Струмица-ОВР Валандово на 14.09.2024 во 22:20 часот во Валандово го лишиле од слобода З.К.(40) од Валандово поради сомнение дека околу 21:40 часот во Валандово подметнал пожар на патничко возило „Опел“.
Опожареното возило било со валандовски регистарски ознаки, сопственост на Д.Б. (35) од Валандово.
З.К. претходно и телефонски му упатувал закани на Д.Б..
Притворениот З.К. е задржан во Полициската станица Валандово, извршен е претрес во неговиот дом и по документирање на случајот ќе биде поднесена соодветна пријава до ОЈО Гевгелија.
