„Dance Fest“ Гевгелија и годинава на второто фестивалско издание потврди дека е настан за игра, забава, дружба и инклузива.
Вториот Денс фестивал во Гевгелија донесе на сцената 613 членови на 9 танчерски групи кои ги покажаа своите способности во танцувањето. Натпреварувањето беше во повеќе категории и сите учесници покажаа силен интерес и ентузијазам да го убедат жирито дека се најдобри.
Во таквата намера успеа и инклузивната група од Скопје која работи со танцовото студио „Eureka Dance Company “ со освоени ДВЕ ПРВИ места, една поединечно, една за формација.
Овде најмногу се истакна Стефан Трпковски кој освои Прво место во „соло изведба“.
Стефан е инаку наш претставник на годинашната Зимска специјална Олимпијада во Торино, каде настапи во категоријата спортски танц со својата партнерка Илина Георгиева. Од Олимпијадата се вратија со сребрен и бронзен медал. Обајцата исклучително вредни, амбициозни и талентирани, Илина и Стефан настапија на кореографија на студиото „Еурека“, а носеа костими од модната креаторка Елена Лука. За жал, радоста за исклучителниот успех беше истисната од трагедијата што се случи во Кочани, веднаш по нивното враќање во земјата.
Еден месец потоа, носителот на Олимписки медал во танц учествуваше на „Dance Fest Gevgelija 2025“ и освои ПРВО место и медал со Диплома за своето достигнување.
Инклузивната група освои исто така ПРВО место во формација за сениори.
Медалите и Дипломите на победниците им ги врачи претседателот на организаторот „Мистик денс“ од Гевгелија, Александар Аврамов.
Истиот ден Стефан учествуваше и на карате натпревар, на Интернационалниот карате турнир „Grand Prix Olimpik“ што се одржа во спортската сала „Јане Сандански“ во Скопје, каде освои ПРВО место. Овде Стефан доби медал од Министерот за спорт.
Насмевките се оправдани со резултатите кои ги постигнуваат лицата со посебни потреби преку своите огромни залагања, работа, тренинг и социјална инклузива.
Честитки!
