Одделението за прекуграничен криминал, миграции, странци и реадмисија Гевгелија поднесе кривична пријава против Д.Т.(32), У.К.(24), Л.А., и В.Т.(50), сите од Гевгелија, поради постоење основи на сомнение за сторено кривично дело „криумчарење мигранти“.
На 17.04.2025 во својство на водач, првопријавениот на подрачјето на Гевгелија прифатил четири лица мигранти, од кои едно дете од Кина и ги предал на второпријавениот. Додека, третопријавената, мајка на првопријавениот, за време на извршувањето на кривичното дело по телефон им давала информации за движењето на полициските патроли.
– „Од Судија на претходна постапка од Основен кривичен суд Скопје на првопријавениот и второпријавениот им е изречена мерка притвор во траење од 30 дена и на третопријавената мерка домашен притвор во траење од 30 дена“ информираат од МВР.
На криумчарите им се запретува законска казна од четири години затвор за нелегално пренесување мигранти, според член 418-б од Кривичниот закон на РМ. Бидејќи при нелегален превоз на мигранти има и дете, малолетник, КЗ за сторителот на криминалното дело пропишува казна од најмалку осум години затвор, (член 418-б, став 4).
