Асоцијацијата на најдобри наставници и лидери во регионот „АНН&ЛР“ од 1-ви до 4-ти мај 2025 год. ја организираше 8-та Меѓународна наставничка конференција под слоганот „Светот на образованието ги брише границите”, каде меѓу 150 учеснички беа и два наставнички од општина Гевгелија.
Покрај големиот број учесници од фелата на образование од некогашните Југословенски републики: Македонија, Србија, Босна и Херцеговина, Хрватска, Црна Гора и Словенија, учесници од општина Гевгелија беа наставниците – ментори, м-р Ленче Јанева од ООУ ,,Крсте Мисирков” и Елизабета Јанева од ООУ ,,Ристо Шуклев” од Негорци.
Тие успешно ги проследија четирите целодневни работни сесии, со многуте теми и работилници од сферата на образованието, за што им беа доделени и Сертификати за активно учество во сите предвидени активности.
Наставничките несебично вложуваат во својот професионален развој, со надеж дека ќе имаат што да им пренесат на сегашните и идните генерации.
Мотото на Асоцијацијата на на најдобри наставници и лидери во регионот е: „Една книга, еден молив, едно дете и еден учител можат да го променат светот“ (Малала), па така и нашите наствници се обучуваа како нивната мисија преку образованието и пренесените знаења на учениците треба да бидат идни двигатели на светот.
Тематата на конференцијата беше „Финансиска писменост – Мито и корупција”. Но, имаше и подтеми од областа на новото технолошко и информативно брзо време во кое освен вистини, некои се борат со конкуренцијата преку пласирање лаги.Така, нашите претставнички од Гевгелија учествуваа на третата работилница „Информација или манипулација”, на која беа јасно, преку примери и практично учење, прикажани начините преку кои корупцијата зема замав во сите сфери на општеството, посебно во образованието.
Вториот ден се одржа Саем на образованието, на кои беа презентирани проекти поврзани со финансиска писменост кај учениците.
Еве дел од атмосферата:
Учесничките на Конференцијата остварија прошетка и разглед на Стариот град и посета на Св. Наум со водич, а за учителките беше изготвено и цветна честитка од уметникот и хуманист Живко Поповски Цветин.
Се’ на се’, наставничките Елизабета и Елена се вратија од Меѓународната Конференција со нови знаења и практични алатки за осовременување на наставниот приод во пренесувањето на образовните програми на своите ученици.
