Деца што направивте!!?
Го воодушевија жирито, ја кренаа публиката, ги собраа наградите!!!
Единесете ученици при „Школата за тапани“ во Гевгелија под водство на дип.проф. Момчило Делев учествуваа на 6-от Интернационален натпревар по музика „Сергеј Mихајлов“ во Штип и освоија 11 награди, од кои 8 ПРВИ места и 3 ВТОРИ места.
Ова значи 100%-на успешна реализација на „Школата за тапани“, после своето 4 годишно постоење, бидејќи првпат учениците учествуваа на натпревар и секој од нив на натпреварот освои награда.
Носителите на ПРВИ места се сите кои од жирито беа бодирани со над 90 поени, а такви во „Школата за тапани“ имаше на натпреварот вкупно 8 (осум). Еве ги по редослед на бодирање:
1. ТЕОДОРА БАЦЕВА – 99,25 поени најдобра од сите, со настап кој жирито го оцени како сценски издржан, со став на професионалец. Теодора иако има само 9 години ги владее тапаните како своја музичка пасија која ја откри пред една година кога почна да ја посетува „Школата за тапани“ при Пионерскиот дом во Гевгелија.
Еве го настапот со кој доби најдобри оценки од жирито:
2. АНТОНИО ТРАЈАНОВСКИ – Прво место со освоени 96,75 поени (9 годишен);
3. ДИМИТАР ТРАЈКОВ – 96,5 поени, (8 годишен);
4. ДАНИЕЛ НАКОВСКИ – 92,25 поени (13 год.);
5. ЕЛЕНА ПЕНОВА – 91 поен, (8 гoдишна);
6. АНА РУЖОВА – 90,75 поени, (11 год.);
7. АЛЕКСАНДАР ТРИФУНОВСКИ – 90,5 поени, (9 годишен);
8. АЛЕКСНДАР КОЧЕВ – 90 поени, (12 годишен).
Носители на ВТОРО место според бројот на поени се:
1. ПАРИС КОСТАЌЕВ – 87,5 поени (8 годишен);
2. РИСТО АНДРЕЕВ – 85 поени (13 годишен);
3. ЈАНИ ЃОРГИЕВ – 81,25 поени (8 годишен)
Оценките ги додели стручно жири составено од врвни музички имиња:
1. Адријана Јаневска – проф, Музичка Академија Скопје, позната пејачка
2. Ванчо Харалампиев – проф. на „Џез академија“ при Универзитет „Гоце Делчев“ Штип
3. Филип Крстевски – проф. во Средно музичко училиште во Штип, и
4. Панко Гелев – магистер по гитара.
Жирито доделуваше оценки за секоја изведба поединечно, а вкупниот збир од вредноста на поените го даде конечниот резултат и рангирањето на победниците – „Школа за тапани“ од Гевгелија – СЕВКУПЕН ПОБЕДНИК на Интернаионалниот фестивал „Сергеј Mихајлов“ во категоријата ТАПАНИ!
Радоста на децата е голема, а гордоста им припадна на родителите и секако, на најзаслужниот, менторот во „Школата за тапани“ Момчило Делев.
Момчило е дипломиран професор по тапани на „Џез Академијата“ во Штип при УГД. Работи како редовен наставник по музика во ООУ „Ристо Шуклев“ Негорци и ООУ „Климент Охридски“ Миравци после дипломирањето од 2016 година. Од 2022 ја оформува „Школата за тапани“ како проект на Општина Гевгелија. Веќе 4-та година работи со ученици каде им ја пренесува енергијата на тапаните, ритамот, музиката. Бројот на ученици варира од 15 до 20 и зависи од возраста, матурирањето и напуштањето на школата поради поголеми образовни обврски, или некои пробале, но не се снашле со тапаните. Работат два пати неделно, вежбат, тренираат самостојно и во група и, како што гледаме, напредуваат и победуваат.
- „Децата беа премногу добри на натпреварот. За прв натпревар на кој учествуваме како Школа ме изненадија. Слушнав прекрасни критики за нив и оценки на жирито искажани за време на натпреварот дека децата се како професионалци на настап. Жири Комисијата беше пре, пре, презадоволна од нив“ – не ги криеше впечатоците менторот Момчило Делев кој е секако и самиот презадоволен.
Што да кажеме за крај за овие ПРВАЦИ – „ШКОЛАТА за ТАПАНИ“ од Гевгелија.
Само напред деца, музицирајте, нека одѕвонува вашата музика во Светот и победувајте!
