Најмалку 34 лица загинаа во силниот земјотрес што денеска го погоди јужниот дел на Филипините предизвикувајќи предупредувања за цунами во делови од регионот, што по неколку часа беа повторно повлечени – јави ДПА.
Геолошкиот завод на САД (USGS), што првично ја процени јачината на земјотресот на 8,2 степени, за подоцна да ја намали на 7,8 степени, во текот на денешниот ден го укина предупредувањето за цунами.
Земјотресот беше регистриран во 7.37 часот наутро по локално време (23.37 GMT синоќа) и беше со магнитуда од 7,8 степени, наведе Филипинскиот институт за вулканологија и сеизмологија (Phivolcs).
Earthquake in General Santos City, The Philippines on June 8, 2026 pic.twitter.com/ye8LHYwVzB
— Noypi (@noypistuff) June 8, 2026
Епицентарот на потресот се наоѓа југозападно од градот Масим, во покраината Сарангани, на јужниот остров Минданао, наведе Phivolcs.
Светот преку социјалните мрежи виде разорни сцени од земјотресот.
🚨EARTHQUAKE: Mindanao, Philippines 🇵🇭
A strong shallow earthquake (preliminary magnitude ~7.8 per international agencies like GFZ/USGS; PHIVOLCS initially reported 7.0) struck offshore Sarangani Bay near General Santos City (GenSan), Mindanao, Philippines, at 7:37 AM local… pic.twitter.com/3RFNuVWssx
— MangoWorxMedia (@MangoWorxMedia) June 8, 2026
Дванаесет лица се водат за исчезнати, а вкупно 134 се повредени, се досегашните официјални бројки. Седумнаесет лица загинаа во покраината Сарангани, вклучувајќи 13 во лизгање на земјиштето во градот Глан, изјави Рене Пунзалан, покраински службеник за помош при катастрофи. Други четири лица загинаа во градот Малапатан, додаде тој.
Потресот беше почувствуван и во делови од Индонезија, особено на островот Сулавеси, каде што беше издадено предупредување за цунами. Јапонија исто така предупреди делови од своето крајбрежје на Пацификот за можни бранови.
Според USGS, земјотресот се случил на релативно мала длабочина од 55 километри, пренесе ДПА.
