Пејачката група на Здружението на пензионери од Гевгелија настапи на манифестацијата „Пензионерите пеат“ во Неготино и со својот настап се пласираа на државен натпревар.
На републичката манифестација во Неготино тие се претставија со три песни од гевгелискиот крај: „Софка на татко“, „Јана грло заболело“ и песната „За многу години македонци“. Песната која ги однесе до републички пласман и која го плени жирито и публиката беше првоизведената „Софка на татко“.
Слушнете ја:
На републичката манифестација „Пензионерите пеат“која се одржа во Скопје, во Домот на АРМ, гевгелиските пензионери настапија заедно со победниците од другите регионални натпревари во државата. Приемот на песните од Југот беше како и секогаш прифатен со огромен аплауз, па сега се очекуваат резултатите и можниот пласман за меѓународен настап на пејачката група на пензионерите од Гевгелија.
Изборот треба да го изврши стручно жири, а најдобрите ќе земаат учество на пензионерски музички средби во Љубљана, Р.Словенија.
Ние им посакуваме среќа и продор на топлите песни од Југот и на меѓународните сцени со распеаните пензионери од Гевгелија.
