Два дена после почетокот на Хуманитарната акција со маратон од Скопскиот Соборен храм до манастирот Острог во Црна Гора, фондацијата „Ице Бегов“ продолжува со хуманоста и посветената работа кон оние на кои им е најпотребно.
Донирана се специјални очила за спортската игра голбол 🥅 на Здружението на лица со оштетен вид од Гевгелија.
– „Опремата треба да им овозможи на членовите активно да се вклучат во спортски активности и да уживаат во движење, игра и дружење. Веруваме дека секој заслужува поддршка и можност за активен и квалитетен живот без разлика на предизвиците со кои се соочува“ – вели претседателката на Фондацијата „Ице Бегов“, Елена Бегова при предавање на донацијата во Гевгелија.
Членовите на Здружението на лица со оштетен вид од Гевгелија освен радоста што некој мисли и на нив и нивните потреби за спортска активација и игра изразија благодарност до Фондацијата со врачување на Благодарница. На посветата од Благодарницата стои запишано: Благодарница од Здружението на слепи лица од Гевгелија до Фондација „Ице Бегов“ за успешна соработка, поддршка и огромен придонес кој ни овозможува да развиваме натпреварувачки дух и да испраќаме хумани пораки дека нема граници на можностите за дружење, радост, среќа, љубов и најмногу разбирање. Благодарницата ја врачи Претседателката на Здружнието Елена Проданова.
Ова е доказ дека хуманата мисија на Фондацијата „Ице Бегов“ е секојдневна преокупација и дека потребите на инвалидизираните, на лицата со посебни потреби, на болните деца се грижа на овие посветени луѓе од Фондацијата.
Често поле на активност на Фондацијата е и Гевгелија. Минатата недела Фондацијата беше иницијатор на Инклузивниот планински марш со лицата со посебни потреби и инвалидските здруженија од Гевгелија. На 2 јули го испратија Антонио Пандовски кој тргна на своето неверојатно патување – 600 километри од Соборниот храм во Скопје до манастирот Острог, Црна Гора во хумана акција за собирање средства за набавка на неопходна медицинска опрема за најмалите херои од Детската клиника во Скопје. И, додека Антонио трча и трае хуманата донаторска акција за Детската клиника и малите пациенти во неа, Елена Бегова од Фондацијата повторно доаѓа со хуман пакет и хумана порака за лицата со оштетен вид од Гевгелија.
За соработката, за радоста која им ја донесе гевгелиските домаќини ја примија Елена Бегова за почесен член на Здружението на слепи и лица со оштетен вид во Гевгелија.
Болката е помала кога има кој да те разбере и помогне, ограничувањата се помали кога има кој да те води и споделува грижи со тебе. Затоа хуманите луѓе имаат големо срце и се сакани пријатели и добредојдени гости.
Гевгелија е благодарна и за изградбата на првиот инклузивен парк каде деца и млади уживаат во игра, дружење и разговор, парк изграден со средства од Фондација „Ице Бегов“. Во 2023 година Фондацијата „Ице Бегов“ донираше наменско возило со пристапна рампа и можност за превоз на лица со траен инвалидитет и друга попреченост на Општина Гевгелија.
Хуманоста облагородува..
Нека има добри луѓе, нека има љубов, разбирање и почитување!
