Во текот на вчерашниот ден, на 04.04.2023 во периодот од 12.00 до 18.00 часот на подрачјето на Секторот за внатрешни работи Струмица била спроведена контрола за санкционирање на возачи кои управуваат возила со брзина поголема од дозволената.
Притоа, биле констатирани 48 пречекорување на брзината, од кои 17 на подрачје на Радовиш, 16 на подрачје на Струмица, 11 на подрачје на Валандово и 29 на подрачје на Гевгелија.
Ова значи дека гевгелиските возачи биле најнедисциплинирани во сообраќајот за време на спроведената акциска контрола која се одвивала на посоените четири општини од регионот. Процентуално 60,4 % од евидентираните прекршоци во текот на вчерашниот ден ги направиле возачи во Гевгелија. Со оглед на тоа што акцијата за контрола на брзината на движење на возилата траела само шест часа, од пладне, до 18 часот, произлегува дека гевгеличани на секои 12,4 минути „прелетувале“ низ сообраќајниците, со поголема брзина од дозволената.
Ваква не беше состојбата пред еден месец. Тогаш имаше евидентирано само 4 прекорачувања на брзината, што значење дека на час и половина поминувал по еден „залетан“ возач.
Сите прекршоци регистрирани вчера во четирите наведени општини биле соодветно санкционирани.
Истиот ден во државата беше спроведена акциска контрола и во општините Тетово, Штип, Битола и Скопје. Санкционирани се 31 возач во Тетово, евидентирани 51 прекршоци на подрачјето на СВР Штип, 68 во Битола, а најмногу во Скопје, вкупно изречени се вкупно 169 мерки кон сообраќајните прекршители.
